Ammæli ammæli ammæli....

Jæja skvísur...þá er þetta komið á hreint.
Smá afmælisteiti hjá mér í kvöld. Mæting um kl. 21.
Ekki verður boðið upp á áfengi en það mega allir mæta með slíkt. Bíð líklega upp á gos og snakk :o) Vá hvað þetta hljómar nirfilslega...
Allavegana vonast ég til þess að sjá sem flesta í kvöld.

Stuðkveðjur, Sigurveig síunga

Hver af þessum skemmtilegu húsmæðrum eruð þið??

Congratulations! You are Susan Mayer, the divorcee
and single mom who will go to extraordinary
lengths for love.


Which Desperate Housewife are you?
brought to you by Quizilla

kveðja Bryndís

Morðingi gengur laus...

Þá er ég búin að vera með tvær jarðafarir í þessari viku. Krummi er genginn af göflunum og farinn að stunda unga-dráp. Aðkoman hér þegar ég kom heim úr vinnunni í dag líktist splattermynd, fuglafiður og blóðslettur á gólfinu í litla herberginu ásamt einum litlum, sætum, stálpuðum og hreyfingarlausum skógarþrastarunga :( Ungi númer tvö á einni viku. Þetta er ekki nógu sniðugt.
Annars ætlaði ég bara að forvitnast um það hvort þið ætlið að djamma á föstudaginn? Ég er til.
Kv. ólöf birna

HVAÐ GERÐIST EIGINLEGA!!!

Jæja við náðum ekki langt í gærkveldi. Þetta var alveg pottþétt búningnum að kenna...er það ekki annars. Held að Hildur Hafstein sé ekki að græða þessa dagana. Já það voru mikil vonbrigði í gangi í gærkveldi og spurning hvort Grímur sé búinn að jafna sig á þessu...Allavegana þá verður auðveldara að fara í brúðkaupið á morgun eftir þessi vonbrigði...þá eru það bara fötin...en ég er að fara að prófa nýtt trix sem Dögg var að kenna mér í gær...finna flík...halda fyrir augun og rétta fram kortið...það á víst að virka vel :o)
Jæja með afmælið mitt. Við Donna vorum sem sagt að spá í að halda saman smá svona ÚTSKRIFTARafmælispartý. Það verður föstudaginn 27 maí (góður dagur maður). Kem með frekari upplýsingar eftir helgi.
Ta ta darlings...

Júróvisjon...

Hæ hó.

Mig langaði til að forvitnast hvort það stendur enn til að hittast á fimmtudaginn til að fylgjast með Selmu?

• Var búið að ákveða hvar við ætlum að hittast?
• Er ekki slatti af liði sem kemur ekki? (fallega orðað..)

kv. ólöf

Hluti af hópnum sem fór í gönguna miklu í dag að Rauðavatni. Dögg, Grímur, Jói, Thelma, Rúnar Örn, Bryndís og Elsa voru göngugarparnir að þessu sinni!!! Takk kærlega fyrir gönguna og svo er bara að endurtaka þetta í næstu viku þegar ferðinni er heitið í Heiðmörkina ;-) 

Og það var og...

Þá hefur ótrúlega mikið breyst í mínu lífi á einungis örfáum dögum. Ruben er að fara til Boston eftir eina og hálfa viku og ég fer þangað þann 6. júlí! Hann verður síðan í skóla þarna úti í allan vetur og erum við að hugsa um að leigja íbúðina okkar á meðan þannig að það stefnir allt í það að ég flytji aftur til mömmu og pabba í tæpt ár!!! Og hana nú. Ef þið vitið svo um einhverja sem eru að leita sér að leiguíbúð þá stendur okkar til boða.
Við Ruben munum því taka á móti hópnum í Washington þann 2. ágúst. Thelma, þú verður svo að lofa mér að henda myndum inn á barnaland um leið og skvísan fæðist. Spítalinn er örugglega með þráðlaust þannig að þú setur bara myndirnar inn þegar verið er að klippa naflastrenginn, nó problemm... .. ... .
Kveðja,
Ólöf

....og að lokum Sigurveig, Dögg og Ólöf. Það vantar aðeins hana Ástu, en við óskum henni bara góðs gengis í skólanum sínum í London....;-) 

Svo Ruben, Grímur og Óli.... 

Síðan Fjalar og Jói 

Svo Rúnar unnusti Bryndísar.... 

Flott myndaforrit sem tók bara nokkra tíma að læra á.....hummm. Nú er best að setja inn nokkrar myndir af afmælisveislunni hennar Bryndísar á Argentína Steikhús síðasta föstudag. Fyrst koma afmælisbarnið, Thelma og Elsa 

Sigurveig er sú sem er í bláu peysunni......Óli til vinstri en Ruben til hægri við hana.....og svo koma Dögg og Grímur!! 

Þeir sem fóru í fjallgönguna....fríður hópur er það ekki!! Sigurveig var myndasmiður og kemur því á næstu mynd 

Halló

Hæ hæ
Þetta er ekki það skemmtilegasta sem mér finnst að gera en ég verð víst að rukka ykkur. Rúnar borgaði fyrir alla í keilu á árshátíðinni, það var 1100 krónur á manninn. Ólöf og Ruben eru einu sem eru búin að borga. Svo er það framköllunarkostnaðurinn fyrir myndatöku okkar stelpnanna það er 357 krónur á manninn. Það væri fínt ef þið gætuð bara lagt þetta inn á minn reikning og svo borga ég pabba þetta. Myndirnar koma svo fljótlega inn á harða diskinn og þið gætuð nálgast þær þar. Sigurveig er búin að borga þetta, dróst af pizzukostnaðinum um daginn og Sigurveig ég skulda þér eitthvað þar, spurning hvort við erum kvitt bara af því við borguðum keiluna fyrir þig. En ef þú ert ekki sátt við það láttu mig þá vita. En semsagt er reiknisnr. mitt 0528-26-863. kveðja Bryndís

Bloggið er ekki dautt

Sælar skvísur

Nú er vorið svo sannarlega komið og kominn tími á að við stöndum við stóru orðin varðandi gönguferðir og fjallgöngur. Því boða ég til gönguferðar á Úlfarsfell þriðjudagskvöld klukkan 20. Hittumst við fjallsrætur stundvíslega með maka og börn í eftirdragi. Til vara (ef rignir) er miðvikudagskvöldið á sama tíma. Við leggjum af stað 10 mínútur yfir átta, ef einhver er ekki mættur þá verður sá hinn sami bara að rölta þetta án hópsins.

Kveðja Dögg

Árshátíð yfirstaðin

Hæ hæ allir Háksmeðlimir
Hvað er þetta eiginlega, bloggið bara dautt eru nokkuð allir komnir með leið á hvorum öðrum eftir svona heilan dag, nei nei ég segi bara svona. Ég vildi bara þakka öllum kærlega fyrir síðast, árshátíðin er nú bara búin og heppnaðist hún mjög vel í alla staði þrátt fyrir rigningu og rok. Allavega skemmti ég mér rosalega vel og maturinn var góður. Við endilega endurtökum þetta að ári.
En stelpur varðandi myndirnar sem pabbi tók þurfum við bara að finna einhvern tíma til að hittast og skoða þær saman. Pabbi lét þær á disk, þannig að ég þarf bara að nálgast hann og svo getum við hist. Kannski annað kvöld, föstudagskvöld eða í næstu viku. Ég er laus mánudag og miðvikudag eru þið lausar þá?
Kveðja Bryndís

diggilú diggilei

Sá að það var kominn tími á mig að blogga svo nú skal láta slag standa... eða eitthvað...
Allaveganna, ég þakka bara fyrir ánægjulegan sunnudag. Myndatakan var mjög skemmtileg og það verður gaman að sjá hvernig til tókst. Ég og Bryndís fengum smá forskot á ykkur hinar þar sem pabbi hennar prentaði út, eftir að flestar voru farnar, eina digital mynd af okkur þar sem við sátum á gólfinu. Hún kom bara mjög vel út og ég verð að segja að sem hópur þá myndumst við bara nokkuð vel :) Úje.
Svo langar mig dálítið að vita hvað þið hafið hugsað ykkur að gokarta lengi. Mér er nokk sama þó ég keyri bara í 10 mínútur. Hins vegar ef allir ætla að keyra lengur en það þá fylgi ég bara krádinu. Endilega komið með svar í kommentum ykkar.
Að lokum þá segi ég bara góða skemmtun í London, Ásta, og við heyrumst í skype-inu á laugardaginn. Víú víú.
Tschüs (hvernig var þetta aftur skrifað?)

Næstum kominn föstudagur : )

Jess, ég hlakka til á morgun. Mér finnst föstudagar æðislegir : ) Það var pizza í hádeginu hérna og þá datt ég alveg í föstudagsgírinn. En hvenær er mæting í matarklúbbinn á morgun Thelma? Ætlið þið að djamma eða verður þetta bara rólegheitar kvöld? Við erum sko að fara á æfingu kl. 10 á lau og í bíó á eftir það þ.a við verðum allavega í frekar rólegum gír en maður getur alltaf fengið sé a.m.k einn öllara ; )

Svo er bara ein vika í árshátíðina! Á ég að panta borð fyrir okkur á Austur Indíafélaginu? Ég var að spá hvort það væri ekki fínt að panta kl 20 þannig að við höfum nægan tíma fyrir gokart/bláa lónið og kanski smá labb. Hvernig líst ykkur á það?

Well, hlakka til að sjá ykkur á morgun ; )

Kv. Elsa

FERÐAFUNDUR :)

Þá er komið að næsta ferðafundi. Hann verður haldinn í Vesturberginu, kemur ekki á óvart líklega, þar sem einn lítill þarf að fara að sofa. Mæting er klukkan átta og vonandi geta bara allir mætt og meira að segja Ásta getur mætt á þennan fund, jibbý er það ekki annars Ásta?
jæja allavega sjáumst á morgun
kveðja Bryndís

Hey girls!!!

Ætlið þið á Franz ferdinand??? Mig langar geðveikt að fara en er ekki búin að kaupa miða.

Spakmæli vikunnar :o)

Ég veit að þið hafið öll heyrt eða lesið um þessi fræði áður, en ég hef ekki séð neinn útskýra þetta eins vel og hinn alvísa Cliff Calvin í Staupasteini. >Cliff Calvin var að útskýra Buffala-kenninguna fyrir vini sínum Norm og það gekk svona fyrir sig: > >"Sjáðu nú til Norm, þetta virkar svona.... >Buffalahjörð getur aðeins farið jafn hratt og hægasti buffalinn í hjörðinni. >Og þegar veitt er úr hjörðinni eru það hinir hægustu og veikustu aftast í hjörðinni sem eru drepnir fyrst. > >Þetta náttúrulega val er mjög gott fyrir hjörðina í heild sinni því að með reglulegum drápum á veikustu og hægustu einstaklingunum batnar heilsufar hjarðarinnar og hraði hennar. > >Á sama hátt má segja að mannsheilinn geti aðeins unnið eins hratt og hægustu heilasellurnar leyfa. Eins og við öll vitum þá drepur alkohól heilasellur en eðlilega drepur það hægustu og veikustu sellurnar fyrst. > >Á þennan hátt veldur regluleg inntaka áfengis því að veikari sellurnar drepast og þar með því að heilinn verður hraðvirkari og skilvirkari. > >Þetta er ástæðan fyrir því að maður verður svona klár eftir nokkra bjóra!"

Sumarvinna JÍHA

Jæja skvísur þá er ég komin með sumarvinnu. Vá hvað mér líður vel. Fékk vinnu hjá Lalla frænda (Landsvirkjun). Verð á sýningunni sem við kíktum á í óvissuferðinni en í ár verða BELJUMYNDIRNAR frægu. Þær voru fyrir norðan í fyrra en verða hjá mér í sumar. Endilega skellið ykkur í smá bíltúr til mín í sumar .
Jæja er svo hinn langþráði matarklúbbur hjá Thelmu 8. febrúar er það ekki annars. En hvað segirðu Elsa, kemstu ekki í mat, eins og þú ert búin að suða um þetta . Vá hvað ég ætla að splæsa á mig einu grilli í sumar...maður er bara komin í grillfílínginn núna .
Hlakka til að sjá ykkur í gokartinu hehee. Ætli þið verðið eins góðar og þessi .

Adios skvísos

Hæ hó og jibbý jei það er að koma árshátíð !!!!

Jæja fundurinn í gærkvöldi gekk alveg ljómandi vel. Það vantaði sko ekki hugmyndirnar hjá okkur. Það var margt annað ákveðið heldur en þessi árshátíð t.d. hvað við ætlum að vera dugleg í sumar að fara í göngutúra og næsta vetur ætlum við að draga alla strákana með okkur á samkvæmisdansnámskeið og svo ætlum við í bústað einhvern tímann saman. Þannig að það verður nóg að gera hjá okkur á næstunni ;)
Jæja ef ég sný mér að árshátíðinni aftur þá er planið þannig að byrja daginn snemma en þó getum við víst ekki farið fyrr en í fyrsta lagi hálf eitt af því að ég er víst í skólanum. Við ætlum að halda á Suðurnesin, fara í gokart og keyra svo eitthvað þarna um svæðið og fá okkur ís og fara kannski í göngutúr hjá Reykjanesvita. Við verðum nú svoldið líka að fara eftir veðrinu. Við ætlum svo að slaka á í Bláa lóninu. Eftir það ætlum við að hafa okkur til fyrir kvöldið heima hjá Dögg og fara svo út að borða á Austur Indíafélaginu. Kvöldið ætlum við svo að enda heima hjá Elsu og Fjalari og halda einskonar kveðjupartý fyrir íbúðina þeirra. Hvernig líst ykkur á þetta?? Kveðja Bryndís

Samantekt ferðafundar

Halló hér kemur niðurstaða fundar

Gisting:
Ruben stefnir að því að tala við hótel í kvöld og reyna að fá einhver díl fyrir okkur. Hann mun gefa upp 2 verð annað fyrir 2 í herbergi og hitt fyrir 4 í herbergi. Allir verða svo að taka afstöðu til þess hvernig þessu verður háttað og þeir sem velja að verða einir í herbergi borga að sjálfsögðu sjálfir allan aukakostnað sem af því hlýst. Boston og montreal eru ódýrustu gististaðirnir en hinir dýrari.

Ferðatilhögun:
2. ágúst: flogið til washington og gist þar
3. ágúst: gist í washington
4. ágúst: farið til Atlanta og gist þar, förum í casino og borðum á hlaðborði
5. ágúst: keyrt til new york og gist þar
6. NY förum á sýningu á broadway og borðum á fínum veitingarstað,
7. NY
8. Six flags, gistum svo í NY og um kvöldið stefnt að því að allir hvíli sig. Daginn eftir er löng keyrsla
9. Keyrt til monteral og gist þar
10. monteral, Grímur á afmæli
11. Keyrt til Boston og gistum þar þar sem eftir er af ferðinni, sameiginleg afmælisveisla Gríms og Elsu. Strákarnir fara og láta sauma á sig jakkaföt
12. Boston, Elsa á afmæli
13. Boston
14. Boston
15. Boston, förum á ströndina
16. Boston, fljúgum heim

Hugmyndir sem þarf að hrinda í framkvæmd:
1) Þegar við erumí New York fá stelpurnar hálfan dag í Sex and the city dag, skoðum manolo skó og drekkum cosmopolitan
2) Í Boston verslum við í outlettum, mögulega keyrum til Maine
3)Tónleikar. reynum að komast eitthvað kvöldið á tónleika, það er verið að vinna í því
4)Leiksýning á broadway
5) Ferð á Metropolitan safnið í NY
6) Go kart kappakstur milli hópsins í Boston
7) River rafting í kanada
8) Golf eða mini golf einhvern daginn
9) Paintball í Boston
10) Kanóferð í gegnum borgina

Grunnreglur:

1) vegna plássleysis í bílum er mælst til þess að allir bíði með að versla "stórinnkaupin" þar til í seinni vikunni
2) Á hverjum degi verður morgunverðarfundur þar sem allir mæta á fyrirfram ákveðnum tíma og farið yfir plön dagsins. Ef einhver vill sleppa úr einhverju og gera eitthvað annað þá er viðkomandi það frjálst. Það þurfa ekki allir að gera allt eins
3) Hver má mæta út með eina mjúka íþróttatösku með farangri til að auðveldara sé að þjappa í bílinn og eins lítinn handfarangur og mögulegt er.

Fyrir næsta fund:

1) Allir að athuga og endurnýja vegabréf ef þarf. Muna að það þarf segulrönd að vera í vegabréfinu til að komast til USA.
2) Bílstjórarnir fjórir þurfa að vera með alþjóðlegt ökuskírteini, ekki nóg að vera bara með þessi nýju heldur þarf þýtt plagg að fylgja með því
3) Fjalar stofnar kreditkortareikning fyrir hópinn, stefnt á fyrirframgreitt kort sem við tæmum reikninginn inn á og borgum bensín og hótel af honum

Varðandi ferðareikning:

Vegna þess að gistingin er væntanlega aðeins dýrari en við gerðum ráð fyrir var ákveðið að borga 15 þúsund krónum meira inn á sameiginlega reikninginn og verða allir að vera búnir að borga fyrir 1 júlí

Næsti fundur er miðvikudaginn 6 apríl kl 20 hjá Rúnari og Bryndísi

Kveðja Dögg (ritari hópsins)

Ferðafundur !!!!

Hæ hæ

Ég vil bara minna á við ætlum að hittst á miðvikudaginn 16. mars kl. 20:00 heima hjá okkur Rúnari. Það þarf að ræða ýmsa hluti tengda Bostonferðinni og þar á meðal um gististaði.
Endilega allir að mæta og Thelma og Jói þið eruð auðvitað velkomin ef þið hafið einhvern áhuga.
Við sjáumst bara vonandi öll hress og kát.
Kær kveðja Bryndís hákur nr. 2

Árshátíð : )

Sælar stúlkur.

Eigum við ekki að mæla okkur mót einhvern tíman á næstunni og byrja að plana árshátíðina okkar?! Sérstaklega ef við ætlum okkur að ráða einhverju í skipulagningunni, svona áður en strákarnir panta hótelsvítu, limmó og bryta! : ) Var fólk sammála um að fara út að borða á Austur Indíafélagið? Við þyrftum eiginlega að hittast áður en við og Ólöf förum út er það ekki? Ég er allavega orðin voða spennt ; ) Já og hverjir eiga svo að hafa matarklúbb næst? Eru það við eða Thelma og Jói? Ég er alveg orðin rugluð á röðinni eins og vanalega.

Kv. Elsa

Sælar stelpur og.....

takk fyrir síðast. Ég vil nota tækifærið og þakka kærlega fyrir dömuna. Þetta var ekkert smá sem hún fékk í gjafir. Þúsund þakkir. Svo vil ég líka biðjast afsökunar á því að hafa hent ykkur út, það var alls ekki á planinu . Á endanum fór kvöldið þannig hjá mér að ég var hringjandi í Dögg (sem ég vil þakka kærlega fyrir að vera svona frábær vinkona, þið eruð það nú allar en þarna var hún alveg hreint frábærust) og vælandi í henni. Endaði svo á bráðamóttöku og var þar um nóttina. Þvílíkar kvalir hef ég aldrei kynnst og ég vona að ég eigi aldrei eftir að finna svona til aftur. Eftir skemmtilegar skoðanir kom í ljós að líklega hefði þetta verið blaðra við vinstri eggjastokkinn sem hefði sprungið og því fylgja þvílíkar kvalir. Hélt að ég væri með rosa hátt sársaukastig en úffffffffff......ég veit ekki. Maturinn fór líka alveg til spillis...fór sömu leið út úr mér og hann fór ofan í mig. Það var sama hvað ég setti ofan í mig það fór strax aftur upp, þar á meðal nokkrar verkjatöflur, sem fyrir vikið virkuðu ekki eins vel . En annars er ég öll að hressast. Finn aðeins fyrir verkjum þegar áhrif verkjataflanna er að minnka en ég fer að verða fín.

Annars þakka ég ykkur bara kærlega fyrir skemmtunina á miðvikudaginn
Bless í bili

Endanlegar upplýsingar um miðakaup

Jæja sagan heldur áfram

Ruben er búin að standa sig frábærlega í skipulagsmálum. Nú er búið að ákveða að allir geti borgað hver fyrir sig með sínum kreditkortum og er hægt að tala við hvaða sölufulltrúa sem er hjá flugleiðum. Bílaleigan er borguð með flugmiðanum sem sé 76 þúsund krónur allt í allt. Við getum þá notað reikninginn til að borga gistingu, bensín osfrv.

Hjá flugleiðum er okkur skipt í tvo hópa:

Hópur eitt: Grímur, Bryndís , Rúnar, Dögg og Sigurveig eru bókuð undir númerinu Z5KAAY, nafnið er Bjarnason/Grímur MR 02AUG KEF BWI

Hópur 2: Fjalar, Elsa, Ásta, Ruben og Ólöf eru bókuð undir númerinu Z5KM60, nafnið er Jóhannson/ Fjalar MR 02 AUG BWI


Þið þurfið að gefa upp þessi númer þegar þið borgið. Það eru skráðir tveir bílstjórar Rúnar og Ruben en við erum búin að borga fyrir fjóra og á að vera lítið mál að bæta því við er við komum út., þetta er eitthvað tölvuskránigar mál.

Nú vil ég að allir kommenteri að þeir hafi séð þetta blogg og hvenær búið er að hafa samband við flugleiðir svo við Ruben séum með þetta allt á hreinu, við förum nú í að finna gististaði. Þegar við hittumst á morgun hjá Sigurveigu á morgun getum við rætt þetta betur og Ásta þú verður að vera búin að downlóda þessu forriti sem Ruben var að segja þér frá svo þú getir tekið þátt í einhverjum fundum.

Dögg

Ferðasagan heldur áfram

Hæ allir

Nú þegar Ruben er búinn að redda flugi og bíl þurfum við að staðfesta og það er að sjálfsögðu bara gert með peningum. Bílaleigubíllinn verður greiddur af ferðareikningum. Bílstjórar eru 'olöf, Ruben, Rúnar og Sigurveig.

Flugið þarf hver og einn að greiða og langhenntugast að gera það með kreditkortum til að fá ferðatrygginguna. Sú sem sér um ferðina fyrir okkur er ekki í vinnu í dag mánudag. Best væri ef allir gætu emailað kreditkortanúmer og dagsetninguna sem kortið er gilt til annað hvort á mig eða á Ruben og við gætum svo tekið þetta saman og komið til hennar.

Langbest væri ef allir gætu gert þetta strax í dag svo við Ruben getum klárað málið á morgun og farið að einbeita okkur að gististöðum.

Kveðja Dögg ( og Ruben)

AFMÆLISMATARKLÚBBUR

Sælar skvísur. Jæja þá er það afmælisboðið. Ykkur er hér með öllum boðið í afmælismat miðvikudaginn 9. mars 2005 kl 18-18:30. Spurning hvort ég eigi að geyma eitthvað smá handa Ástu . Við sjáum nú samt til með það. Allavegana þá er það á miðvikudaginn kl: 18-18:30 sem er mæting. Vona að ég sjái sem flesta.

Ástarkveðjur

Oft er þörf en nú er nauðsyn

Sumarið nálgast óðum.....
og við verðum nauðsynlega að fara að taka ákvörðun um miðakaup til bandaríkjanna. Þetta er háanna tími og flugvélar óðum að fyllast og heimildarmaður minn segir mér að ekki sé hægt að ætlast til að fá ódyrari miða út en um 50 - 60 þúsund á manninn amk frá Íslandi. Nú er víst búið að setja niður planið um ferðina, hvert við ætlum að fara og vera hvað lengi hvar og hitt ætti að vera lítið mál að klára. Hér með auglýsi ég eftir 1) Betri tilboðum en þeim sem Sigurveig er búin að kynna 2) Ákvörðun um það hvort við eigum að taka því tilboði 3) Dagsetningu á flugið út og til baka og það sem er mikilvægast af öllum 4) Ætla ekki allir sem áður voru búnir að boða komu að koma með.


Það er rosalega auðvelt í önnum vetursins þegar maður er svakalega þreyttur og mikið að gera að ýta sumarfrísplönum á undan sér. Ennnn þegar við erum komin í sumarfrí verður svo rosalega gott að vera búin að klára þetta og geta bara slappað af og sest upp í flugvél. Ég bíð mig fram til að hjálpa til við þessa skipulagningu nú þegar ég hef fengið líf mitt aftur frá spítalanum í bili. Óska eftir svörum frá öllum og það strax....... Stefnum á fund á kaffihúsi á föstudag eftir vinnu til að taka endanlega ákvörðun.

kveðja Dögg

Jæja

Ég eins og Elsa er ros aupptekin þessa dagana svo ég get líka bara skrifað stutt en.....en verð þó að segja fréttirnar....ÉG á ekkert líf!!! þetta verður mjög erfið vika, eða tvær því sýningin byrjar í næstu viku. Ég verð semsagt að vera í leikhúsinu frá 9-6 alla helgina og vera í skólanum til 9 öll kvöld þessa viku og svo vera í leikhúsinu alla næstu viku að stjórna lestinni. Verð örugglega með rosa vöðva stælta hægri hendi....ohhh ég á svo bágt, hjálp.

Smá pistill

Jæja skvísur.

Það er rosa mikið að gera hjá mér í vinnunni þ.a ég get ekki skrifað langan pistil en verð allavega að segja ykkur fréttirnar! Við vorum að skrifa undir í hádeginu, ætlum að kaupa íbúð á Rauðalæk : ) Rosa gaman að fara aftur í gamla hverfið mitt ; ) Þetta er mjög fín íbúð, hæð í 4 íbúða húsi með sér bílastæði. Við fáum afhent í síðasta lagi 15.júlí. Heyri svo betur í ykkur síðar.

Kv. Elsa

Árshátíðin!!!

Jæja hvað segið þið háksmeðlimir....hvernær voruð þið að spá í því að halda þessa árshátíð? Átti hún ekki að vera einhverntímann í mars? Hver ætlaði að halda hana? Það væri best að hafa hana þegar það er pabbahelgi vegna þess að þá þurfum við ekki að vera að redda pössun fyrir Rúnar Örn.

Allavega er bara allt gott að frétta af þessum bæ. Kúlan blómstrar alla daga, og svo er það sónarinn næsta mánudag. Erum búin að bjóða mömmu minni og mömmu Jóa að koma með í sónarinn og eru þær báðar að deyja úr spenningi og geta varla beðið eftir að það komi mánudagur aftur.....hehehe!! Hann Rúnar Örn er alltaf í leikskólanum og finnst honum það alltaf jafn gaman.

Jæja hef þetta ekki lengra í bili, en endilega kommentið á árshátíðina og förum endilega að ákveða dagsetningu og skipuleggja!!

Fréttir

Sælar og blessaðar
Ég ákvað að taka áskorun Ástu og skrifa fréttir. Látum okkur nú sjá, ég er að vinna á slysó núna, það er voða gaman en mikil vinna. Miklu meiri yfirvinna en á hinum deildunum. Ég klára slysó um mánaðarmótin og fer þá yfir á skurðdeild, með því hefst síðasti kaflinn á kandidatsárinu mínu´, þá er ég loksins orðinn læknir.
Vegna þess hversu mikið hefur verið að gera hef ég ekki getað föndrað mikið í vetur en nú fer að rofa til ( lítil yfirvinna á skurðinu) og var ég að kaupa mér mosaík flísar og tréplötur til að gera barborðið loksins. Að vísu datt ég líka aftur ofaní kortin og er að vinna með nýja tækni sem verður afhjúpuð í næstu jólakortum..... mjög spennandi.
Ég er búin að vera voða löt í ræktinni vegna mikillar vinnu en eftir að ég fór að taka eftir að fötin mín eru aðeins þrengri á mig en venjulega þá er ég aftur að fara á skrið í ræktinni. Maður má ekki slappa af í 5 mínútur, mikið öfunda ég ykkur sem ekkert þurfið að passa uppá þyngdina en svona er nú víst lífið.
Við Grímur forum á food and fun á argentínu á föstudaginn, mjög góður matseðill og vorum búin að rölta á 2 söfn áður. Þjóðmenningarsafnið og hafnarhúsið. Við fórum svo pínu út að djamma. Á laugardagin kíktum við á listskautasýningu í laugardag og svo var unglæknadagurinn um kvöldið. Hann var á þjóðleikhúskjallaranum og var mjög fínn matur og vel veitt af víni , seinna um kvöldið voru samtökin 78 með ball og fylltist allt af gay karlmönnum sem voru að kela útum allt. Ég hitti gamla félagann minn úr dansinum og Hrafnistu Róbert sem sagði "ég vissi alltaf að þú værir lesbía" hmmmmmm
þetta er nú það helsta sem er að frétta af mér, ég skora á Elsu ap skrifa næsta pistil

Kveðja D-gg

Furðufiskur!!!

Heyrðu bíddu hélt að bloggið hafði ekki farið inn á en svo kom það eftir hvörtunina, skrítið.
Ásta

Er bloggið daut??!!

ok var að skrifa stórt blogg hérna áðan en það vildi ekki festast á síðuna nenni als ekki að skrifa það aftur =(

Er bloggið daut??!!

Er ekki allt í lagi hérna bloggið bara dautt. Sko ef þið getið ekki skrifað á bloggið svo ég geti fylgst með ykkur þá verðið þið að ímeila mig persónulega....eða kanski ætti ég að gera það sjálf og athuga hvort ég fái viðbrögð. Annars er búið að vera rosa mikið að gera í vikunni eins og bara alltaf. En gaf mér samt tíma til að fara aðeins á pöbbinn á mánudaginn og á listaopnun á þriðjudaginn, þar sem vinur vinkonu minnar var að dj-a. Svo var engin meiri tíma fyrir svona eftir það vinna vinna vinna. Ég var alveg til kl 9 í skólanum í gær eða þangað til ég var rekin út. Svo þurfti ég að mæta kl 9 daginn eftir og fara með allt dótið okkar suðreftir...út í raskat (nálægt þar sem ég var óper fyrir 7 árum síðan), til að hafa afnot af stúdíói sem einn kennarinn er með, því ein vél í skólanum var ekki nógu stór. Vááá þetta er alveg svakalega stór mono rail sem við erum að gera. Við tókum taxa þangað en....þurftum að taka lestina til baka þvílíkt vesen maður =(. Jæja ég er hérna aftur á föstdagskvöldi bara heima en er kanski að fara út á djammið á morgun, hvað með ykkur segið mér nú sögur úr hversdagsleikanum...eða bara einhverju spennandi.
Bless og vonadi kemur eitthvað meira á þetta blogg!!
Ásta pásta

Halló allir

Hæ þið, ákvað að láta heyra aðeins í mér....og takk fyrir að muna eftir mér, þykir mjög vænt um það...en það er soldið annað sem þið hafið ekki munað eftir...ekki frekar en ég þegar kemur að ykkur.
Allaveganna þá var smá presentation í dag fyrir loka verkefnið okkar næstu önn, ég var svo ekki tilbúin fyrir það bullaði bara og þóttist vita hvað ég væri að segja...það var ekki sannfærandi. Ég var sem sagt vakandi í alla nótt að teikna sex myndir, vaknaði snemma í morgun og fór í skólan hélt þessa ömurlega kynningu og fyllti mótið af lestinni sem ég er að gera fyrir sýninguna í mars. Fór svo og fékk mér kaffi til að vekja mig til að geta farið út að borða með stelpunum á tæ stað. Við fengum mjög góðan mat eins og alltaf þarna og vínflösku með. Ég sem sagt kom bara snemma heim á föstudags kvöldi og ákvað að taka til í herberginu mínu, ég er svo þreytt að ég gekk bara í hringi eins og sombí...hvað er það uppvakningur!? já sem sagt ákvað frekar að ímeila einhvern. Hvað er svo að gerast hjá ykkur er afmælið hans Rubens á morgun eða hvað??
Ég segi þá bara bless í bili.
Ásta

Bara....

ég aftur . Er bara að athuga hvort það séu fleiri en ég og Ruben sem eru að athuga með verð fyrir ferðina í sumar . Svo verðum við að negla niður ferðina svo við fáum sæti í vélinni. Jæja ætla að fara að koma mér aftur i skólann .
Tjá for náv

Hæ Ásta! Við erum ekki búnar að gleyma þér :) 

:o)

Sælar skvísur og takk fyrir síðast. Ég skemmti mér alveg konunglega og vil ég þakka gestgjöfunum alveg sérstaklega fyrir þetta frábæra kvöld...það var allt til fyrirmyndar nema kannski seinagang í örfáum einstaklingum :o( (ég var komin með hjartsláttatruflanir af stressi en það lagaðist þegar ég var komin á svæðið).

Er einhver hér sem fylgist með genginu...er dollarinn nokkuð að hækka.....
Ætla að hringja svo í Flugleiðir og athuga með verð á flugi.
Læt ykkur svo vita hvernig það fer
Ta ta

FLUGLEIÐIR

Jæja var að tjatta við hana Þorbjörgu hjá Flugleiðum og hún reiknaði aðeins fyrir mig. Ég sagði henni að við þyrftum bæði flug og bíl og hún reiknaði þetta fyrir okkur og sá að þetta yrði í kringum 80.000 kr á manninn. Þ.e.a.s. flug og bíll= 80.000.- á mann. Hélt að það yrði dýrara. Þetta eru tveir bílar og nokkuð stórir. Þurfum að hafa hraðar hendur þar sem það er allt að fyllast...sérstaklega þar sem um er að ræða stóran hóp. Erum við að tala um dagsetninguna 2. ágúst-16. ágúst!!! Koma svo...allir að svara og svo verðum við að fara að kíkja á þetta...spurning hvort það eru fleiri búnir að athuga þetta eitthvað líka og hafa kannski fengið betri díl ;o)

morðkvöld :) 

Morðkvöld framhald

Halló allir saman

Nú eru allir búnir að fá send boðskort á morðkvöldið. Ég sendi Elsu á hotmail adressuna, láttu vita ef þú ert ekki búin að fá hlutverkin ykkar. Það að Ruben vanti er svolítið vandamál, en er hægt að leysa með því að Thelma sleppi því hlutverki sem henni var úthlutað og taki upp hlutverk Rubens. ATH ef þið ákveðið að gera það þarf að láta mig vita fyrir föstudaginn svo ég geti breytt útgáfunni af leiknum.

Ég mæli sterklega með því að þið leggið ykkur öll fram við að klæða ykkur sem mest í karakter og reynið að kynnast ykkar karakter svolítið áður en þið mætið svo þetta verði nú gaman. Mér skilst að þetta sé mest gaman ef fólk leggur sig fram við að gera sig að fífli og við Grímur erum að undirbúa okkur í að gera akkúrat það.

Kveðjur Dögg

MORÐKVÖLD

Jæja rúsínurnar mínar.

Núna er komið að því, það er morðkvöld á laugardaginn. Matur hefst stundvíslega klukkan átta og verður að mæta á réttum tíma í Barðavoginn. Þetta er hugsað sem djammkvöld því er ætlast til að allir komi með vín með matnum og áfengi til eigin nota. Farið verður í bæinn fljótlega uppúr miðnætti. Allir spilastokkar verða gerðir upptækir um leið og þeir sjást. Það hafa allir sín hlutverk og mun ég senda hlutverkin á EMAIL til ykkar og vil ég biðja ykkur um að setja þau inn hér fyrir neðan sem fyrst svo að ég sé örugglega með þau réttu.

Auðvitað mæta allir í búningum sem eru viðeigandi og í karakter........

Kveðja Dögg

Hæbbs

Ætlaði bara að minna á mánaðarmótin.

Kv. ólöf birna

Prufa 2 Þetta forrit er algjör snilld!! 

Prufa 

Á lífi

Já stelpur mínar...síðan er sko á lífi þessa dagana:o) Rosalega er ég ánægð með þetta.
Horfðuð þið á leikinn í gær...úfff þetta var sárt. Hvað eru þau á RÚV eiginlega að pæla að endursýna þennan leik!!! Var reyndar búin að láta alla vita að þeir myndu klúðra þessu og tapa....og hver hafði rétt fyrir sér!!! Fékk þónokkur högg á mig þegar ég var að lýsa leiknum fyrir heimamönnum í Jakaseli en ég stóð samt við mitt....ÞEIR SÖKKA FEITT. Sá þó einn sætan leikmann hjá Slóvökum en þar sem hann var farinn að skora svo oft þá var mér bara farið að finnast hann LJÓTUR...já hann varð bara ljótari og ljótari eftir hvert mark. Spurning hvort ég horfi á leikinn í kvöld...veit alveg hvernig hann endar :oS Ég man bara í þá gömlu góðu daga þegar þeir lentu í 4. sæti á heimsmeistaramótinu. Já þeir voru góðir ÞÁ...
Jæja skítt með boltann...á ekki að horfa á Batchelorette í kvöld!! Ég ætla pottþétt að horfa á hann í kvöld þó svo að ég viti hver hreppir hnossið:o) Spurning um að rölta út í Krónu og kaupa Pepsi Max á 99 kr og steikja svo hamborgara handa okkur Heiðu Björgu í kvöld...hafa svona kósý, Heiðu Björgu finnst það æði...myndi vilja hafa kósý á hverju kvöldi. Er nokkuð annað að gerast í kvöld???
Fer svo á minn fyrsta foreldrafund í fyrramálið...þá fær maður að vita hvernig daman er að standa sig í skólanum og fáum að vita úr einhverjum könnunum og læti sem var verið að prófa á þeim í vetur. Hlakka til að sjá útkomuna úr því.
Jæja ætla ekkert að vera að tefja ykkur neitt lengur...
Sjáumst skvísos

I can´t take my eyes of you

Jude Law og Julia Roberts voru að kyssast fyrir framan mig. Svindl.
Jæja, mig langaði að bera fram pínulitla kvörtun. Í gærkveldi fór ég á þorrablót með fólki sem er að meðaltali 10-15 árum eldri en við (ég var yngst, sú næsta var 31, svo 34 osfrv, sá elsti örugglega yfir sjötugt). Partýið var eitt það fjörugasta sem ég hef farið í í langan tíma. Enginn var hræddur við að skella í sig áfenginu og tjútta á dansgólfinu (stofugólfinu). Svo var farið út að reykja (ég reyndar sleppti því) því flestir voru djammreykjarar. Ég spyr því bara 'hvað er að verða um okkur sem djammgrúppu?´ Sá sjötugi (Bárður húsvörður) dansaði eins og við á okkar bestu djömmum fyrir nokkrum árum!!

• Erum við orðnar of vanar því að umgangast hvora aðra?
• Nennum við ekki að drekka lengur saman?
• Þekkjumst við svo vel að áfengi er óþarft?
• Erum við orðnar of passívar?
• Erum við að þykjast að vera of gamlar?
• Erum við orðnar leiðinlegar?

Ég trúi ekki öðru en að við höfum ennþá stuðið í okkur og vona að morðkvöldið muni enda sem alvöru stuðkvöld en ekki sem ljúfur saumaklúbbur.

Viva la stuð.

ég aftur...

já ég gleymdi svo alveg að minnast á annað sem við Ólöf vorum að ræða. Við vorum að spá í hvort við ættum ekki að hafa smá svona árshátíð. Allir að mæta voða fínir og fara út að borða eða bara elda eitthvað mjög gott. Ég gæti alveg tekið að mér að redda þessu og kannski ef einhver annar vill vera með mér í þessu...kannski bara þú Ólöf!!! Það væri svo gaman ef við kæmum allar/öll saman fín og sæt. En svo er ég auðvitað farin að hlakka til morðkvöldsins hjá Dögg. Verður það ekki fljótlega:o)
EN ENDILEGA KÍKIÐ Á SKRIFIN HÉR FYRIR NEÐAN...ALLIR NÚNA HELST Í GÆR hehehe

Sælar skvísur

Í raun hef ég svo sem ekkert að segja...Allavegana þá var ég að tjatta við hana Ólöfu í gær þar sem ég sá nú þessa fínu auglýsingu frá Icelandair, 36.900 til USA :o)....er í símanum núna að tala við Icelandair.....Sælar aftur. Ok var að ræða við eina í sölunni og hún sagði að vélarnar á þessum tíma væru að fyllast þannig að við þyrftum að fara að leggja inn pöntun ef við ætluðum að fá far. Verðið hjá þeim er sem sagt á bilinu 64.000-84.000...úfff. Og þessi netsmellur er ekki í gangi ef við ferðumst ekki á sama stað...þannig að .....ég spurði hana hvort það væri þá ekki bara hagstæðara fyrir okkur að panta þennan netsmell og taka svo flug frá Boston til Washington og jú jú það margborgar sig fyrir okkur :o) Hún tékkaði á flugi og það kostaði tæpar 4000 kr. Mér finnst það nú bara snilld. En ykkur!!! Og þetta er náttúrulega bara tilvalið ef Ólöf og Ruben fara út á undan okkur...þá geta þau bara hitt okkur á the airport og við lagt öll saman af stað:o) Hvernig hljómar þetta!!! Mér líst bara mjög vel á þetta

Helgin!

• Á morgun, föstudag, er stefnt á Sex and the city maraþon.
• Á laugardaginn verður djamm eða eitthvað.
• Hvað finnst ykkur?

Kjörið tækifæri til að hittast :)

Hæ stelpur
Hvað er að frétta? Ég vildi bara tilkinna það að nú er ég loksins komin með almenninlegt net heim til mín svo kanski þið farið að heyra aðeins oftar í mér. Annars er búið að úthluta verkefni fyrir sýninguna, á sem sagt að gera nokkurs konar lest sem ferðast yfir áhorfendur áður en sýningin byrjar. Ég held að þetta verði bara allt í lagi kansksi ágætt að vita hvernig svona virkar fyrir framtíðina. Hvernig er svo veðrið hjá ykkur, hér er bara ekkta íslenskt... rigning og rok. Skemmtilegt að hafa þetta í lit ha... ég er bara að uppgötva ýmislegt!!
Ég læt heyra í mér fljótlega aftur.
Ásta

Köben!!!

Jæja nú er ég í Köben, nánar tiltekið á flugvellinum og er bæði að bíða eftir honum Jóa og svo eftir fluginu heim. Ég þurfti að taka flug klukkan 7:20 í morgun vegna þess að flugið sem Jói og landsliðið í handbolta átti bókað klukkan 10 var uppbókað þannig að ég er búin að vera að bíða á flugvellinum í rúma 3 tíma og enn á ég eftir að bíða í rúma 2 tíma í viðbót vegna þess að flugið til Íslands fer ekki fyrr en klukkan 13:20.....löng bið framundan. En sem betur fer uppgötvaði ég fyrir 5 mín. síðan að það er hægt að kaupa aðgang að þráðlausu interneti í 2 klst fyrir aðeins 50kr danskar (eða um 500 kall) þannig að auðvitað nýtir maður sér það og hangir bara á netinu á meðan maður er að bíða eftir fluginu. Hann Jói lendir eftir svona 10 mín., þá fer ég og fæ mér að borða og svo ætla ég bara aftur að hanga á netinu....hehehe!!

Annars er ég farin að hlakka mjög mikið til kvöldsins.....vona bara að við höldum það út að vaka eitthvað. Við vöknuðum klukkan 3 á íslenskum tíma í morgun til að ná flugrútunni til Gautaborgar þar sem ég tók flug til Köben, en þaðan flýg ég svo heim. ....og ég er alveg dauðuppgefin núna, og klukkan er bara 10:15 á íslenskum tíma.....huhhh!

Ætla ekki annars allir að mæta í kvöld í svakastuði??? Það er orðið mjög langt síðan að við hittumst öll síðast að maður er bara farinn að fá fráhvarfseinkenni....hehehe!!

Jæja hef þetta ekki lengra í bili, sjáumst á Íslandi í kvöld.

Kveðja Thelma og Jói.

Gleðilegt ár!

Hæ hó jibbý jey.. það eru komin mánaðarmót.... Kjörbók kjörbók.

Nóg um svona leiðinlega vitleysu og í aðra mun skemmtilegri. Á föstudaginn verður dinnerklöbb a la Ruben (og Ólöf en ég virðist bara fá engu ráðið lengur) sem um leið verður einhvers konar innflutnings-kveðjupartý. Ásta er jú að hverfa enn og aftur af landi brott á sunnudaginn og því verða allir að mæta með pakka til mín (olof) og knús fyrir Ástu. Þetta verður djamm í boði ykkar allra þannig að um að gera að mæta með breezerinn eða bjórinn eða eitthvað annað.
OG ÞAÐ ÞÝÐIR EKKI AÐ SOFNA! (þessu beini ég til allra, m.a. sjálfrar mín)
Heyrumst.
kv. ólöf

Gleðilegt ár

Hæ hæ
Ég skrifa hérna úr sveitinni núna, við höfum það bara alveg ljómandi gott. Auðvitað búin að borða á okkur gat, hvað annað. Hér er allt á kafi í snjó, við þurfum að geyma bílinn okkar uppi á vegi vegna skafla á planinu og vaða svo snjóskaflana upp að hnjám. Áramótin í ár voru dálítið öðruvísi en ég er vön, fyrir utan það að nú er komið lítið kríli þá var mjög skrítið að sjá fyrst bara sína eigin flugelda og þegar þeir allir voru búnir beið maður og vonaði að sjá einhverja rakettu í loftinu. Svo loksins þegar maður sá eina rakettu voru voða fagnaðarlæti og svo beið maður eftir þeirri næstu o.s.frv. Já þetta var ekki eins og í bænum að maður hefur ekki við að líta í kringum sig til þess að missa ekki af neinu sem er reyndar vonlaust því það er engin leið að sjá allt og fyrir utan það þá týnast manns eigin flugeldar í öllu flugeldahafinu á himninum.
Í dag er dagurinn búin að vera algjör letidagur eins og hjá flestum á nýársdegi og svo er bara að leggja af stað suður á snemma í fyrramálið að því að við eigum að vera mætt í jólaboð á Eyrarbakka kl. 14.
En að lokum segi ég bara gleðilegt ár og takk fyrir það gamla.
kveðja Bryndís

Gleðileg jól og bráðum gleðilegt nýtt ár!!!

Af okkur er bara allt gott að frétta, erum búin að hafa það alveg rosalega gott yfir hátíðirnar og enn á það eftir að batna þegar við borðum kalkún í kvöld heima hjá mömmu og pabba.....nammi, namm....og skjótum upp rakettum!!

Ég er að fara til Danmerkur klukkan 8 í fyrramálið, þannig að ekki verður mikið úr geðveiku partýi þetta árið, en þeir hákar sem verða í bænum um áramótin geta komið yfir til okkar í smá teiti....eða frekar rólegt teiti.....eftir klukkan 1 í nótt ef það er áhugi fyrir hendi. ...og svo má ég líka ekki drekka áfengi næstu mánuðina....hehehe!!!

Váááá.....það er geðveik snjókoma úti núna, eitthvað sem vantaði á aðfangadag.....en betra er seint en aldrei. Vona bara að það verði búið að stytta upp í nótt þegar maður fer að sprengja upp flugeldana....og líka þegar ég á að fara að fljúga á morgun.

Jæja ætlaði bara að halda síðunni gangandi.

Sjáumst hress annað hvort í kvöld eða í partýi hjá Ólöfu og Ruben á nýju ári!!!

Gleðilegt ár allir saman!

Þetta er allt að koma...

Jæja, þarf bara að þvo á mér hárið, borða og keyra svo upp í Smáralind til að klára jólagjafainnkaupin. Reyndar er ég í dálitlum vandræðum því ég veit ekki alveg hvað ég á eftir að kaupa margar gjafir... er ekki viss hvernig pakkamálin standa á milli ákveðinna einstaklinga. Ætli að ég verði ekki að komast að því allaveganna fyrir aðfangadag.
Settum upp jólatréð í fyrrakvöld þar sem við vildum ekki skilja það eftir fyrir utan ef einhverjum fingralöngum einstaklingum dytti í hug að redda sér ódýru jólatréi. Við erum samt ekki búin að skreyta það og þó svo ég væri búin að því þá myndi hvort sem er enginn taka eftir því þar sem þetta tré er aðeins stærra en ég hélt það væri þegar að við skoðuðum það í Blómaval... Sjitt, nú verð ég bara að fara að kaupa jóltrésskraut og 200 pera ljósaseríu!
Hvernig gengur annars hjá ykkur? Er allt tilbúið fyrir jól??
Kv. ólöf

Jólamatarklúbbur

Jæja þá er komið að jólamatarklúbbnum í ár.
Eins og í fyrra þá ætlum við Rúnar að halda hann og bjóða ykkur upp á ekta hangikjöt. Mæting er sem sagt hjá okkur á sunnudaginn 19. desember og vonandi geta allir mætt. Ef einhver kemur ekki væri mjög gott að vita það. Er ekki bara best að byrja í fyrra lagi og mæta klukkan fimm, það er náttúrulega vinna hjá flestum daginn eftir. Svo höldum við litlu jólin eftir matinn og opnum pakkana :) Ég man ekki hvað hámarkið var á gjöfunum í fyrra en það var allavega einhver miskilningur, sumir komu með tvo pakka og aðrir einn. Eigum við ekki bara að hafa það þannig að hver og einn komi með pakka. Þannig að það eru tveir pakkar á par og einnig einn pakki fyrir hvert barn. Hámark fyrir hvern pakka er 500 - 800 kr. þannig að hámarksupphæð fyrir par er ca. 1000-1600 kr. Hvernig líst ykkur á þetta svona?
kveðja Bryndís

Til hamingju með daginn...

Ég vil bara óska Thelmu hjartanlega til hamingju með sinn heittelskaða. Það hefði verið gaman að geta kíkt í veisluna en þar sem það er próf á morgun þá verður maður að láta það ganga fyrir (þið hefðuð átt að hafa þetta á morgun haaaaaaaaaaaaaaa). Jæja svona er nú bara lífið ;o)
Vona að þið skemmtið ykkar bara sem allra best í kvöld og ég bið að heilsa afmælisbarninu.
HÚRRA HÚRRA HÚRRA (nennti ekki að pikka inn afmælissönginn)

Bless í bili

hugleiðingar í desember

Jæja stúlkur

Ég er búin að vera að velta því mikið fyrir mér undanfarna daga hversu mikið mál er að vera í vinnu alla daga versus það að vera í skólanum. Þegar maður var í skólanum gat maður sleppt því að þrífa í mánuð því að þegar prófin voru búin þá hafði maður lausan tíma og gat þess vegna dúllað sér við þetta allan daginn

Einnig var voða gott að standa upp frá bókunum af og til og setja í vél. Þar af leiðandi voru alltaf til hrein föt.

Maður gat stungið af í hádeginu og farið í bankann og farið klukkutíma fyrr heim ef maður vildi. Ef maður var svaka latur gat maður skrópað í skólann í 2-3 daga og mætt svo aftur til í tuskið.

Núna er maður á fullu í átta tíma í vinnunni og getur engum prívat erindum sinnt á þeim tíma. Klukkan fjögur er svo mikil traffík að það tekur óratíma að komast í það að sinna þeim erindum sem maður þarf að sinna. Klukkan sex þegar heim er komið þarf svo að sinna þessum þó fáum heimilisstörfum sem fylgja því þegar maður er einn í heimili. Svo borða og fyrr en varir er ekki nema 3 - 4 klst eftir af deginum. Þá er eftir að heimsækja fjölskydumeðlimi, sinna vinum , reyna að eiga áhugamál, lesa eitthvað annað en skólabækur, fara í ræktina og slappa af.

Þar eð ég er búin að vera í skóla í 20 ár samfellt þá er þetta algjörlega ómögulegt fyrir mig að finna útúr því hvernig ég á að getað sinnt 160% vinnu og öllu hinu líka. Þar eð margar ykkar hafa meiri reynslu af þessu en ég og eruð meira að segja með börn!!!!!!! þá langar mig að biðja um praktísk ráð til að komast hjá því að ég vakni upp marga morgna í röð og öll fötin mín eru skítug, heimilið drulluskítugt og ég veit ekki hvað er í fréttum síðastliðnar 2 vikur.

Kveðja Dögg

Dagskráin :)

Dagskrá:

Þriðjudagur: Flogið til Washington, lent seint um kvöld, bílar sóttir,
farið upp á hótel/mótel
miðvikudagur: Washington
fimmtudagur: ½ dagur Washington, ½ dagur Atlantic city
föstudagur: Atlantic city
laugardagur: Phildadelphia – Mutter museum, keyrt til New York
sunnudagur: New York
mánudagur: New York
þriðjudagur: Six Flags þemagarður, sofið í New York
miðvikudagur: Montreal
fimmtudagur: Montreal
föstudagur: Boston
laugardagur: Boston
sunnudagur: Boston
mánudagur: Old Silver Beach (strönd fyrir utan Boston)
þriðjudagur: Ísland

Hæ hó

Hittumst nokkur í gær til að ræða skipulag Boston ferðarinnar. Nenni ekki að setja inn hvað gerðist (sorrí). Fundum einhvern bíl sem er tilvalinn og einnig kom fram hugmynd um kostnað sem mun verða eitthvað í kringum hundraðþús með flugi, bíl og hótelkostnaði. Þetta lítur því allt saman mjög vel út. Mig langar þó til að mæla með því að við einföldum ferðina aðeins hvort sem sú hugmynd verður felld eður ei. Einnig væri mjög gott að vita hvort einhverjir séu búnir að ákveða 100% að þeir ætli ekki með!! Þá á ég ekki við þau sem eru ekki viss hvort þau komist. Við ætlum auðvitað öll að fara saman en ef einhver hafa komist að þeirra niðurstöðu að þau ætli ekki að koma með þá væri mjög gott að vita það.
Minni en á kjörbókina.
kv. ólöf

Hæbbs

Jæja þá. Var að kíkja á stöðuna á kjörbókinni og vil ég enn og aftur minna ykkur á að borga inn á hana. Staðan á bókinni er 81000 og er það að miklu leyti Sigurveigu að þakka eftir veglega innborgun í dag. Til hamingju með það að vera búin :) Þar sem við Ruben viljum ekki vera minni manneskjur en þú, Sigurveig, ákváðum við að klára okkar skammt líka og staðan á bókinni var að breytast í 129.000 !! :) :) :)
Hvernig líst ykkur á að við myndum hittast fljótlega og fara að kíkja á þann kostnað sem við búumst við að fylgi ferðinni??? Þið eruð velkomin hingað til okkar á laugardaginn ef þið hafið tíma. Varðandi það að kaupa dollara fyrir peninginn þá held ég að við ættum aðeins að bíða því dollarinn er enn að lækka, believe it or not! Hann er kominn niður í 64 kr! Þetta lítur því vel út.
Endilega kommentið eins og þið eigið lífið að leysa.
kv. ólöf birna

Þá-er-það-ákveðið : )

Ohhh... ég veit það á eftir að koma risa bil hér á undan og kanski að eftir líka. Það kemur alltaf þegar ég blogga í vinnunni : ( En þetta er frábært, þá höfum við föndur og matarklúbb á laugardaginn : ) En hvað segiði, eigum við ekki að hittast bara snemma þ.a við getum verið búnar um kl. 17 og þá getum við farið að elda og þið farið heim með skrautið ykkar fína? Kanski bara um eittleytið? Svo getum við fengið okkur jólaöl og smákökur ofl til að koma okkur í jólaskap ; ) Eigum við, sem ætlum að kaupa okkur föndur, þá að hittast kanski á fös eftir vinnu í föndurbúð? Vei vei vei, ég hlakka svo til : )

Matarklúbbur og föndur

Laugardagurinn hentar vel fyrir mig og Rúnar, við ætlum að fara vestur einhverja helgina fyrir jól þannig að það er fínt að matarklúbburinn sé þessa helgi og jafnvel föndrið líka. Ég er komin í svo mikið jólaskap að ég vil endilega fara að föndra sem fyrst. Ég hlakka bara til að hitta ykkur öll þá
kveðja Bryndís

Laugardagurinn...

... hentar mér ágætlega. Einnig held ég að Ruben sé ekkert að gera það kvöldið.
Varðandi jólaföndur þá er ég laus eins og er allar helgarnar í desember. Reyndar er laufabrauð einhvern sunnudaginn (man ekki návæmlega hvaða sunnudag) þannig að ég er allaveganna laus alla laugardagana í des. Það gæti þó breyst því ég held að það verði eitthvað gert í vinnunni einhverja helgina. Heyrist það svona á öllum.
Reynum að finna dag
kv. ólöf

Vá hvað það vantar að hafa commentið núna...

Sælar skvísur. Var að spá í hvort við gætum ekki föndrað sömu helgi og maturinn verður. Það er eiginlega besta helgin fyrir mig...prófin sko ;o)
Annars hentar helgin bara fínt...Heiða Björg hjá pabba sínum og ég bara laus og liðug.
Hlakka til að smakka á kræsingunum :o)

Laugardagurinn?

Hola.
Hvernig hentar laugardagurinn 27. nóvember fyrir matarklúbb??? Er einhver bissý þá?

Ég var að klára aðventukransinn minn áðan, er agalega stolt af honum þ.a hann verður hafður til skrauts í matarklúbbnum þó það sé ekki komin aðventa : ) En viljið þið hafa jólaföndrið um helgi eða á virkum degi? Mér er alveg sama. Allavega getum við ekki haft það síðustu 2 helgarnar fyrir jól því þá komumst við Dögg ekki.

Matarklúbbur

Hæ
Það vantar að vísu mig í contributors listann Ólöf, nema að þú viljir að ég hætti að skrifa hehehe...

Föstudagurinn henntar ekki vel fyrir mig og Grím, erum að fara á eitthvern hjartadag á vegum vinnunnar, aðrir dagar um helgina eru fínir.

Ég er byrjuð að föndra jóladagatal sem ég ætla að klára í vikunni og svo er ég auðvitað í kortunum líka. Varðandi skipulagningu á jólaföndri þá er ég alveg til í verslunarferð en má ég biðja um að allt jólastand verði ekki helgina 10 til 12 des því þá er ég að vinna..... annars er ég búin að vera voða dugleg að losa mig við vaktir í desember svo ég geti verið sem mest að jólast

Dögg

Matarklúbbur : ) - taka 3

Hellú.
Ohhh, ég var búin að skrifa blogg sem hvarf svo og síðan reyndi ég aftur og þá kom alltaf RISA bil á undan blogginu þ.a ég fór í fýlu í nokkra klukkutíma. En vona að þetta verði í lagi. Hmm... hvað ætlaði ég aftur að segja....? Já, í fyrsta lagi vildi ég segja að mér finnst síðan orðin gasalega fín. Flott að hafa e-ð svona template, þetta er rosa professional eitthvað : ) Svo var það matarklúbbur en við Fjalar erum víst næst í röðinni. Hvernig hentar föstudagurinn 26. nóvember???

Svo talaði ég við Ástu um daginn, hún kemur heim um kvöldið 16. desember sem þýðir að ég get hitt hana í London : ) Jibbý, ég hlakka rosalega til þess. Ég komst í rosa jólaskap um helgina, aðallega vegna þessa að ég föndraði þennan fína aðventukrans og fór bæði í garðheima og blómaval og keypti meira að segja eina jólagjöf. Svo elduðum við Þórey og Inga Lilý hlussu kalkún á lau með öllu tilheyrandi fyrir spatúlur og hitasveppi. Rosa gaman. En eigum við ekki að fara að kaupa e-ð föndur fyrir föndurklúbbinn og ákv. hvenær hann á að vera? Gott að hafa smá fyrirvara þannig að við séum allar lausar.

Kv. Elsa

Hey, allt gamla bloggið er komið aftur. Þetta er sem sagt allt að koma. Á enn eftir að setja inn kommentin líkt og þið væntanlega hafið tekið eftir. Ef að frændi þinn, síró, á einhver flott templöt þá má hann endilega breyta okkar, ef allir samþykkja.
Hvenær er svo næsti matarklúbbur?
kv.ólof

....

Ólöf...ég held að þetta sé barasta allt þínu fikti að kenna ;o) Hann var ekki kominn með lykilorðið til þess að komast inná síðuna þannig að ég STÓREFAST um að hann hafi verið að fikta. Þetta gengur annars alveg ágætlega hjá þér.
Hvernig var Bridget annars!!! Hlakka til að komast á myndina
Tjá for náv

sælar

Ég var að velta því fyrir mér hvort breytingarnar á síðunni hafi komið til vegna fikts hjá mér eða hvort frændi þinn, Sigurveig, breytti henni? Er ekki alveg viss hvort ég klúðraði fiktinu en allaveganna, hvort sem þetta var ég (úbbs) eða einhver annar þá mun ég koma commentinu inn aftur þegar ég kem heim í dag.
Er alveg að verða búin í vinnunni eftir strembna viku. Djöh verður síðan fínt að sofa út á morgun. Langar helst að fara í Smáralindina að versla mér föt en efast um að fjárhagurinn leyfi það.
Minni enn og aftur á kjörbókina. Svo er spurning um að negla niður dagsetningu fyrir föndrið okkar þar sem það líður senn að jólatíð.
Viva la föndur og kjörbók.
kv. ólöf

Hæ hó

Jæja skvísur. Kominn tími til að ég bloggi smá. Ég verð nú bara að segja að mér finnst soldið snemmt að það sé byrjað að spila jólalög á fullu í útvarpinu. Það er meira að segja farið að spila "jólalegustu" jólalögin sem manni finnst bara að eigi að spila rétt fyrir jólin. Reyndar komst ég í soldið jólaskap þegar snjórinn kom, finnst æði að hafa þennan snjó : ) en það mætti samt geyma jólalögin allavega fram í aðventu. Eigum við svo ekki að fara í föndurleiðangur við tækifæri fyrir föndurklúbbinn? Ég væri til í að mála e-ð trédót, mér finnst það alltaf jafn gaman. Eða bara eitthvað sniðugt. Hver á annars að halda des föndurklúbb? Annars erum við Fjalar búin að bóka flug og panta hótel í London : ) Hann er að fara á námskeið og ég ætla að skella mér með. Við förum 13. des og komum aftur 19. des. Þ.a það er eins gott að vera búin að öllu jólastússi fyrir þann tíma, nema kanski að kaupa nokkrar jólagjafir. Ég verð nú að hafa eitthvað fyrir stafni á meðan hann er á námskeiðinu ; ) Ég er að vona að Ásta verði ennþá úti á þessum tíma, það væri æði. Yfir og út.

Myndir

Sælar skvísur. Jæja nú væri gott að fá einhverjar flottar myndir af ykkur. Veit að þið verðið ekki í erfiðleikum með að finna slíkar myndir :o) Ástæðan er sú að ég er búin að biðja Hreiðar frænda um að útbúa nýtt lúkk á síðuna okkar. Rosa góður frændi maður...
En ef þið eruð á móti því þá bara getum við reynt við þetta sjálfar :o)
Tjá for náv

Svartur dagur hjá kennurum

Í dag hef ég sannfærst um að lýðræði á Íslandi er fótum troðið. Verkfallsréttur kennara er dauður og kúgunarrétti ríkisins hampað sem aldrei fyrr. Hvert stefnir þetta allt saman?

Ég gæti haldið hér langa tölu um atburði dagsins en læt það vera. Eitt er þó víst, kennarar munu ekki taka þegjandi og hljóðalaust við útkomu dagsins. Engan veginn.

En annars. Hvað á að gera í kvöld? Bíó? Vídeó? Ég er til í allt sem kemur manni í gott skap.
kv. ólöf

Leidís

Þar sem ég er orðin að virkum internetfíkli í verkfallinu þá langar mig til að forvitnast um undirtektir ykkar varðandi breytingar á síðunni! Var að fikta í bloggsíðunni minni og sá að það eru komin ágætis templates inna bloggerinn, templates sem eru mun skárri en þessi sem við erum með.

Hvernig líst ykkur á?

Jors forever

Ólöf

Hún á afmæli í dag...

Haldiði að litla örverpið sé ekki bara orðið 17 ára. Jújú og við erum að fara að sækja ökuskírteinið í hádeginu. Var svo búin að lofa því að hún fengi að keyra heim...spurning um að skipta um bíl áður en ég skutla henni hehehe. Verð svo með mat í kvöld sem afmælisbarnið fékk að velja sjálft og svo ætla ég að búa til bílaköku ;o)
Jæja ætla að skunda út í búð núna.
Tjá bella

saltkjöt og baunir...túkall hehehehe

Jæja skvísur er ekkert að frétta!!! Það er nú reyndar ekkert að frétta svosem af mér. Jújú hvaða vitleysa, keypti mér þennan fína prentara í gær þannig að ég er bara búin að sitja fyrir framan tölvuna og drita út óprentuðum glósum :o) Ég er orðin svo tæknileg að það hálfa væri yfirdrifið nóg.
Greyið litla Ólöf mín...verður komin í rosa þunglyndi rétt fyrir jól vegna verkfalls uss uss uss....Ég veit hvað við stelpurnar getum gert til þess að halda þér frá þunglyndi.... þú færð að gera öll jólakortin fyrir okkur :o) SNILLDARHUGMYND
Annars hef ég nú ekkert að segja þannig að ég ætla bara að koma mér inn í eldhús og klára að útbúa þennan rosalega rétt sem ég hef ætlað að elda í tæpa viku.
Tjá bella... eða eitthvað svoleiðis

BOSTON

Sælar.
Ætla aðeins að minnast á kjörbókina okkar í tilefni mánaðarmóta.
Sigurveig er búin að borga :) Við hin stöndum okkur ekki alveg jafn vel!
Kv. Ólöf

MATARKLÚBBUR!!!

Þá er það ákveðið. Það verður matarklúbbur hjá mér og Jóa á morgunlaugardag um 20:00. Öllum velkomið að djamma ef þið viljið á eftir....en ég tek það strax fram að ég nenni ekki í bæjinn, en er alveg til í að djamma heima og svo geta einhverjir farið í bæjinn ef þeir vilja! Annars ætlum við að fara í bíltúr á morgun á nýja bílnum ef einhverjir vilja koma með....Heyrumst allavega sem fyrst og endilega látið mig vita ef einhver kemst ekki á matinn, annars geri ég ráði fyrir;
Dögg og Grímur
Elsa og Fjalar
Ólöf og Ruben
Sigurveig
Bryndís og Rúnar
ég og Jói
....samtals 11 manns....er ég nokkuð að gleyma einhverjum sem er á landinu sem stendur???

Hvað er að gerast!!!

Halló stúlkur mínar
Leiðinlegt að ekki fékkst betri þátttaka í djamm um helgina. Ég held að þetta hafi endað með því að Elsa og Fjalar fóru á NASA, ég og Grímur á pöbbarölt og aðrir voru heima. Hér með auglýsi ég eftir matarklúbbi októbermánaðar og djammi í kjölfarið. Ef mér reiknast rétt til þá er næsta helgi pabbahelgi hjá stelpunum og jíbbí ég er ekki að vinna og aumingja Ólöf er enn í verkfalli ( goooooo kennarar) því er kjörið að lyfta okkur pínu oggu ponsu upp. Ef enginn vill eða getur haft matarklúbb þá býð ég mig fram til að halda partý......

Hvernig lýst ykkur á það?

Dögg

Helgin - Iceland Airwaves : )

Hæ skvísur! Jæja, bara kominn fimmtudagur og helgin framundan. Hvað á svo að gera skemmtilegt? Eruð þið kanski í djammstuði? ; ) Ég er að fara á þróunardag í bláa lóninu allan morgundaginn til kl 23. Býst nú ekki við að gera mikið um kvöldið þar sem ég verð örugglega þreytt eftir fyrirlestra frá 9-17. Nú er airwaves byrjað og fullt af góðum hljómsveitum sem troða upp. Við Fjalar vorum fyrst að spá í að kaupa passa en hann kostar 5000 kall. En við förum sennilega bara á laugardeginum þ.a það borgar sig ekki. Aðal djammið er á Nasa á laugardaginn, það kostar 2000 kall inn og þessar hljómsveitir verða: 20:00 Ampop 20:45 Ske 21:30 Mugison 22:15 Unsound 23:15 Quarashi 00:00 The Bravery (USA) 01:00 Trabant 02:00 Gus Gus Við förum í útskrift til frænku minnar milli 17 og 19 á lau og förum svo sennilega beint á Nasa, ætla ekki að missa af Ampop í þetta sinn : ) Hvað segið þið um að koma á djammið á lau??? 2000 kall hljómar kanski mikið en maður er að fá mikið fyrir peninginn, þetta verður pottþétt mega skemmtilegt kvöld. Þið getið lesið um hljómsveitirnar á icelandairwaves.com. Við fáum örugglega borð því við mætum svo snemma : ) Adios, Elsa

Helgin búin !!

Hæ hæ stelpur
Nú er ég náttúrulega að drepast úr forvitni hvernig sumarbústaðaferðin heppnaðist. Nú verðið þið að segja mér allt í smáatriðum, eða er það ekki nethæft hummmm.. ?? :) Hver sigraði Singstar,hvað gerðuð þið, hver drakk mest o.s.frv. En allavega var helgin hjá mér alveg frábær, ég hugsa að hún hafi samt verið aðeins rólegri en hjá ykkur. Við gerðum samt slatta, við fórum í göngutúra, á kaffihús, bíltúra, fórum á markað og kíktum auðvitað í kaupfélagið. Svo slökuðum við auðvitað mikið á líka. Svo þetta var bara hin besta ferð, Geirmundur Viðar var bara eins og hann hafi flogið oft áður. Drakk pelann sinn í flugtakinu og skoðaði hringluna sína og aðra farþega og svaf svo hálfa heimleiðina. Ekki mikið mál að ferðast með þennan engil.
Ég var að spá í eitt Ólöf, þoriru að hafa Krumma úti, út af þessum kolbrjáluðu hundum í seljahverfinu og svo er þetta bara næsta gata við þig er það ekki ??
Jæja sjáumst vonandi sem fyrst
kveðja Bryndís

Ferðareikningur

Hæ hó.
Hlakka ekki smá til að fara í sumó á morgun. Þetta verður mikið stuð og mikið gaman. Ætla nú samt að minna á reikninginn okkar. Það eru 4 búnir að leggja inn og vonandi fylgja fleiri með í kjölfarið. Það er samt auðvitað alveg frjálst hvenær þið borgið en svona ágætt að vera minntur á þetta annað slagið, a.m.k. eftir mánaðarmót.
Er enn að dunda mér í verkfalli. Rosalega gaman að vera með 4 ára háskólanám á bakinu og þurfa að fara í margra vikna verkfall til að fá mannsæmandi laun eða þannig. Þetta lætur mann virkilega hugsa sig tvisvar um hvort það sé þess virði að halda áfram í þessu starfi! Miðað við umræðuna undanfarið þá held ég að ég fari bara að kalla mig líffræðing frekar en að kalla mig kennari þó svo ég sé bæði. Æji, allaveganna, við sjáumst í góða skapinu á morgun!
kv. ólöf

SUMARBÚSTAÐUR

Hvað ætla margar að fara í sumarbústaðinn??? Veit allavega að það er ég, Elsa, Ólöf, Sigurveig, Dögg, Þórey, kærasta Jóseps (er það ekki annars??)....er ég að gleyma einhverjum??? Allavega 7 eins og er.

Hver ætlar að taka að sér að versla fyrir liðið og svo bara rukka okkur fyrir þegar heildartalan er komin, þ.e. það þarf að kaupa eitthvað til að borða um daginn og kvöldið á laugardeginum og svo í morgunmat á sunnudeginum....og svo auðvitað snakk, nammi og áfengi (og meðfylgjandi) til að búa til mohitos og svo kannski breezer eða bjór með fyrir laugardagskvöldið. Ég væri alveg til í að taka það að mér ef enginn annar bíður sig fram í það að vera innkaupastjóri fyrir ferðina (en þá þyrftu ALLAR sem vilja vera með í sameiginlegu innkaupi að vera búnar að leggja inn á mig pening fyrir laugardaginn)......myndi reyna að draga hana Sigurveigu með mér áður en við leggðum af stað út úr bænum í verslunarferð. En ef það eru einhverjar séróskir um mat, verðið þið að láta vita í síðasta lagi í dag....annars verður bara eitthvað gott keypt (og enginn má fara í fýlu ef það er eitthvað sem viðkomandi borðar ekki....hehehe)!

Nýtt netfang

Halló
Nú er ég bara örfáum dögum frá því að vera netvædd, búin að panta ADSL áskrift og hún verður komin í gang fyrir helgi. Með henni fylgdu hvorki meira né minna en 5 netföng. Ég mun þó eingöngu nota eitt þeirra. Því er doggh@simnet.is nýja adressan mín og hi adressan er lokuð. Því þætti mér vænt um ef þið mynduð allar nota þessa þannig að ég geti nú fylgst með hvað er að gerast í heiminum.

Við fórum í þythokkí í gær og rústaði Grímur mér algjörlega. Ég vann ekki einn leik. En náði einu jafntefli.... Ég þarf klárlega æfingu.

Kveðja Dögg

Úbbs

Halló stelpur

Sorry sorry sorry Ólöf og Ruben að ég skuli ekki hafa fylgst með hvenær flutningar voru og eigi þið inni nokkra kassaburði hjá mér. Ég er nefnilega búin að vera netlaus vegna þess að gamla tölvan mín er endanlega búin að gefa upp öndina og dadara ég er búin að fá nýja. Davíð félagi minn lét mig kaupa notaða IBM tölvu sem er rosalega flott og miklu flottari en ég þarf á að halda, nú eru svona 10 dagar í það að ég verði komin með ADSL tengingu og þá fer ég að verða viðræðuhæf aftur, netlega séð.

Ég fór í sveitina til Gríms um helgina, við kíktum á hestbak og svo slappaði ég bara rosalega vel af. Það er einn kostur við fótbolta áhuga hjá þessum strákum, það er hægt að leggja sig í eftirmiðdaginn um helgar, meðan hann horfir á boltann. Mjög sniðugt, að vísu var planið að lesa bók en ég sofna alltaf yfir þeim.

Við kíktum svo í mat hjá eldri bróður hans og fjölskyldu á sunnudagskvöldið. Nú erum við sem sé búin að fara allan fjölskyldu rúntinn......

Hvernig er plan fyrir næstu helgi? Ég er á vakt í kvöld en svo ekki meir í vikunni. Vonandi var gaman í lokahófinu á laugardaginn Thelma.

Heyrumst Dögg

Hæ hó

Jæja, þá erum við búin að borga seinni greiðsluna í íbúðinni og komin með afsalið. Þetta gekk svosem ekki alveg snurðulaust fyrir sig því fasteignasalan gleymdi að nefna það við okkur í gær að við ættum að borga fasteignagjöld o.s.frv. við afsalsafhendingu þannig að það bættist rúml. 30 þús. kall við greiðsluna sem við áttum ekki von á. Einnig lét Ruben fólkið dáldið heyra það áður en við létum þau fá stóru ávísunina. Skammaði hann þau fyrir að skila íbúðinni drullugri og öllum veggjum holóttum eftir skrúfur. Þau sátu greyin eins og dæmd og gátu ekki stunið upp orði sem er nú bara pínu gott á þau því íbúðin var, vægast sagt, nokkuð subbuleg og með aðeins fleiri íbúum en við vissum um. Eru 34 skottur farnar yfir móðuna miklu og fer sú tala hækkandi... En nóg um það, núna er íbúðin 100% okkar og ég segi bara jibbý. Á morgun ætlum við svo loksins að flytja inn og ef einhver vill hjálpa að bera þessa örfáu kassa sem við erum með þá er það vel þegið. Vegna flutningsins þá ætti ég nú eiginlega ekki að vera að hanga hér í tölvunni akkúrat núna heldur að vera að þrífa íbúðina mína með ryksuguna á fullu og kveð ég því nú :)

Hlakka mikið til að fara upp í bústað næstu helgi. Þetta verður mikið stuð og ennþá meira stuð og strákarnir eiga sko eftir að gráta þegar þeir heyra lætin í okkur alla leið yfir holt og hæðir.
Adios senjorítur.

Sumarbústaðaferð!!! Jæja skvísípæs. Er ekki kominn tími til að fara að plana sumarbústaðaferðina miklu? Ertu búin að fá bústað Sigurveig? Er stefnan ekki sú að fara á laugardeginum og vera lau nótt? Það væri frábært að grilla eitthvað gott og kaupa nóg af rauðvíni og öðru víni (t.d Mohito...). Svo getum við farið í Sing Star og fengið okkur bjór í pottinum : ) Endilega látið í ykkur heyra, við verðum nú að plana þetta vel þ.a það verði miklu skemmtilegra hjá okkur en hjá strákunum ; ) Kv. Elsa

Og verkfall heldur áfram...

Það er svo sem búið að vera nóg að gera hjá mér í verkfallinu. Erum búin að vera á fullu í íbúðinni og looooksins fer að sjá fyrir endann á þessum endalausu uppfæringum sem við ákváðum að hella okkur út í. Búið að slípa parketið og setja á það fimm lakklög og þó svo ég segi sjálf frá þá lítur það mjög vel útþ Máluðum og máluðum í gær með mömmu og pabba til halds og trausts. EInungis ein umferð eftir á stofuna og eldhúsið. Þetta er semsagt allt að koma. Á eftir þarf ég að skreppa í íbúðina til að taka á móti pöddumorðingjanum sem ætlar að spreyja alla íbúðina og losa hana við allt kvikt og óboðið. Það verður mikill léttir.
En segið mér... Hver verður með næsta matarklúbb?
Æjá, eitt í viðbótt. BANKAREIKNINGUR. Nú er búið að stofna eitt stykki söfnunarreikning fyrir Bostonferð og endaði hann einhverra hluta vegna á mínu nafni. Alveg óvart. Ég get sem sagt fylgst með honum á netinu og séð um allt sem að því kemur. Þið ráðið hvort ég fari pöblik með yfirlitið eða þá hvort það ríki trúnaður á milli mín og ykkar sem einstaklinga þannig að hver og einn hefur áhyggjur af því hvar hann stendur án þess að hafa allan hópinn yfir sér. Nánari díteil er best að senda til ykkar í pósti enda algjör óþarfi að plögga því hérna á netinu. Þetta er líka orðið andsk. langt blogg.
Kv. Ólöf

:o(

DJÖ DJÖ DJÖ....ekki endaði þessi helgi nú vel. Kíktum í heimsókn til frænku minnar á laugardaginn og svo vildi Heiða Björg og ein frænkan endilega sofa saman HEIMA HJÁ MÉR. Var síðan að greiða þeim í gærmorgun og JIBBÍ JEI frænkan morandi í lús...HROLLUR. Ég sem ætlaði að fá eitthvað gott að borða í afmælinu hans Rúnars í gær en nei ég stóð á haus að þrífa allt hátt og lágt. Mér finnst alveg ótrúlegt að ég skyldi ekki fá móðursýkiskast, hélt alltaf að ég myndi sturlast ef ég myndi finna lús hérna en neibb ég var bara hin rólegasta. Ætla bara rétt að vona að við séum búnar að losa okkur við þennan óboðna gest og að hann komi aldrei aldrei aldrei aftur.
Takk fyrir mig

Afmæli hjá Rúnari Erni næsta sunnudag klukkan 13:00

Hæ, hæ!!

Ætlum að halda upp á afmælið hans Rúnars Arnars næsta sunnudag klukkan 13:00 vegna þess að á afmælishelginni er hann hjá Jakobi pabba sínum og svo helgina eftir það erum við uppi í sumarbústað að djúsa.....;-) Það væri mjög gaman ef þið háksmeðlimir, makar og börn gætuð komið í afmælið hans og þegið góðar veitingar.....en þetta verður svona ekta barnaafmæli, með súkkulaðikökum og fleira góðgæti....nammi, namm!!

Endilega látið okkur vita ef þið komist ekki. Annars verðum við bara í sambandi.

Kveðja Thelma og co.

Innflutningspartý næsta laugardagskvöld!!

Hæ, hæ!! Hvernig líst ykkur á að mæta í smá innflutningspartý næsta laugardagskvöld heima hjá okkur Jóa í smá léttar veitingar og fljótandi veigar fyrir þá allra fyrstu?? Mæting er um 9.....nema fyrir Ólöfu og Ruben....þau eiga að mæta klukkan 8....hehehe....;-) En endilega látið okkur vita sem fyrst ef þessi dagur hentar ekki vegna þess að þá reynum við að flytja partýið yfir á föstudaginn, þ.e.a.s. ef næstum enginn kemst á laugardeginum. Hlakka annars til að hitta ykkur og endilega byrjið að redda pössun fyrir þá sem þurfa, vegna þess að þetta verður svaka stuð.

Ásta mín, við skulum bara hugsa rosalega vel til þín í útlandinu á meðan og ég skal sjá um að einhver drekki líka fyrir þig!!! ;-)

Adios amigos, Thelma og Jói.

Til hamingju með daginn elsku Dögg : )

Hún á afmæli í dag Hún á afmæli í dag Hún á afmæli hún Dögg Hún á afmæli í dag.........Húrra húrra húrrrrrrrraaaaaaaaaaaaaaa!!!

Góða helgi

Halló allar saman
Þá er komin einn ein helgin og ég er á leið í smalamennskur og réttir. Reyndar geri ég nú minnst, ég hugsa bara um Geirmund Viðar og læt Rúnar sjá um að fara á fjall og reka rollur :) Ég er eiginlega bara mjög fegin, er ekkert sérstaklega mikið fyrir að vera að hlaupa á eftir rollum og er þetta því ágæt afsökun, hí hí. Verð að fara að finna mér afsökun fyrir næstu smalamennskur, spurnig um að vera orðin ólétt aftur hmmm, því þá get ég ekki hlaupið, annars er hann ennþá svo ungur þannig að hann mun verða afsökun fyrir mig næstu 2 árin, svo þarf ég að fara að hugsa. Það er eins gott að Rúnar lesi ekki þetta blogg. Þið lofið að segja ekkert, usssss. En allavega vonandi hafið þið það gott um helgina og við sjáumst í næstu viku.