*GEISP*

Góðan daginn.
Í dag er fyrsti dagurinn í vetrarfríinu mína :) Ég þarf ekki að mæta í vinnuna fyrr en á miðvikudaginn sem er starfsdagur þannig að við erum laus við krakkana. Sé fram á ljúfa og þægilega daga í stuttri vinnuviku. Ekki slæmt. Litla fríið mitt byrjaði samt ekki vel. Eftir átolympíuskautastund með Thelmu (við vorum báðar án maka í gær) sá ég rúmið mitt í hyllingum. Kom heim og viti menn, sofnaði ekki fyrr en hálf fimm :(((( Fólkið uppi var einhvers staðar í burtu þannig að 19 ára dóttir þeirra ákvað að halda partý og örugglega rústað íbúðinni temmilega í leiðinni. Dísis, brjálað drumnbass, gól, öskur, hurðaskellir, hælaháaskótramp, r'n'b, fólk að hrynja í gólfið, fólk að hrópa og hvetja hvort annað í drykkjuleik, örugglega 10 manns að þykjast að gera það í herberginu fyrir ofan mig (mjög háværar stunur (öskur?) og brjáluð hlátrasköll í kjölfarið). Meiri hurðaskellir, meira fólk að hrynja í gólfið osfrv osfrv. Krummi að farast úr stressi, pabbi ekki í góðu skapi, ég ekki í góðu skapi. Þetta var semsagt skemmtileg nótt og góð byrjun á fríi :) 5 klukkutíma svefn!
Segið þið ekki annars gott? Allt í fína út í London, Ásta?? Einhverjar fréttir?? Hvað er í gangi í hnakkabænum (Selfoss) ? Nóg að gera í vinnunni, Dögg? Allt á fullu í Garðabænum, Sigurveig? Búin að skrappa,Thelma? Óléttan að klárast, ELsa?
6 vikur í Boston :)
Kv.
ólöf

Matarklúbbur næsta laugardag.....

....HVERNÆR ER MÆTING ELSA??? Bara að spugulera út af pössun ;-)

Hvað er annars að frétta af ykkur girls? Af okkur er bara allt gott að frétta. Nú er hún Sara Daggrós loksins orðin frísk og er hún farin að vera mjög hreyfanleg á gólfinu þó svo að hún sé nú ekki enn farin að skríða....sem betur fer segi ég nú bara vegna þess að þetta er mikil tætirófa!! Annars fórum við með börnin í myndatöku í gær hjá Brosbörnum og mikið rosalega var það gaman og hlakkar mig til að fá myndirnar, en þær verða tilbúnar næsta fimmtudag......JIBBÝ!! Svo er hún Sara Daggrós farin að sitja eins og herforingi og sat hún næstum allan tímann í myndatökunni og missti aldrei jafnvægið.....enda búin að vera í set-æfingabúðum hjá mér síðustu vikur út af myndatökunni....og það tókst ;-)

Jæja hef þetta ekki lengra í bili......eruð örugglega löngu hættar að lesa þennan pistil.....ekkert nema börn, börn og aftur börn.....hehehehe ;-)

Bæjó spæjó!

ps. svo ætlum við Ólöf að reyna að skrappa heima hjá mér næsta sunnudag ef fleiri vilja koma líka. Öllum háksmeðlimum velkomið að kíkja og skrappa eða bara föndra eitthvað allt annað!! :-)

Ehemm

TIL HAMINGJU MEÐ AFMÆLIÐ Á ÞRIÐJUDAGINN ÁSTA !!!
og ég sem ætlaði að muna þetta damnit.

Átakið "Höldum vefnum gangandi" PART II

Allo allo
Ég var að msn-ast við Bryndísi áðan og við fórum að velta næsta matarklúbbi fyrir okkur. Munið þið hver voru næst? Nú er janúar liðinn og febrúar mun örugglega fljúga áfram enda í styttra lagi (og tíminn líður svo hrikalega hratt á þessari gervihnattaröld) þannig að það er spurning um að spýta í lófana og halda matarklúbbnum gangandi áður en sumarið kemur (og fer). Hvað segið þið? Eruð þið ekki til í matarkl.?
Eins og venjulega er lítið að frétta af mér. Ég þarf greinilega að fara að krydda eitthvað upp í tilverunni. Fara að fara í ræktina, stunda magadans og fallhlífastökk eða eitthvað.
Um að gera að kommenta eitthvað og þá á ég við alla :)
Kv. Ólöf

Átakið "Höldum vefnum gangandi"

Halló

Hvað segið þið skvísur. Var að klára langa vinnuhelgi og er þegar farin að hlakka til að fá helgarfrí um næstu helgi. Í þessari viku er ég að læra á fósturgreiningardeildinni eða svokölluðum sónar. Það er voða gaman að vera að læra eitthvað nýtt en ótrúlega erfitt að túlka mynd sem maður sér í tvívídd í þrívídd í huganum.. Ég er þegar orðin góð í "kjallarasónar" en þetta er alveg nýtt að ómskoða krílinn við 20 vikur og gera vaxtarmat þegar konurnar eru lengra gengnar. Það er að ómskoða í gegnum kviðinn.
Ekkert planað svo sem í vikunni, ætla að reyna að vera ekki að vinna í umsjónardeildarlæknisstörfunum heima eftir vinnu eins og ég hef gert á nær hverjum degi síðastliðnar þrjár vikur. það var þó til þess að ég var í vinnunni til kl 19 í dag, ég veit svei mér þá ekki hvort er betra.

Hvað er að frétta frá ykkar heimilum? Eru flutningar í þessari viku Sigurveig?

Kveðja Dögg

Hæ hæ
hvað segið þið gott Háksskvísur, þetta gengur ekki með þennan vef, hann má nú ekki lognast út af. Við verðum að hjálpast að halda lífi í honum. Þá er ég búin að vinna mínu fyrstu vinnuviku, en reyndar fékk ekki að klára hana alveg því Geirmundur tók upp á því að veikjast í dag. Annars er bara fínt að vera byrjuð að vinna. Það er munur að vera farin að tala við eitthvað fólk hérna svo er líka ekki amalegt að vera að passa eina litla frænku sem alveg dýrkar mann og segir öllum að hún sé frænka mín og alltaf þegar hún kallar á mig segir hún frænka eða Bryndís Elfa af því hún heitir Aldís Elva.
Hvað á svo að gera um helgina ?? Ég ætla nú bara að vera heima og taka því rólega og á von á tveim heimsóknum á laugardaginn, þeim Erlu og Haflínu. Svo auðvitað er Ísland-Danmörk í kvöld og Idolið sem byrjar í Smáralindinni í kvöld.
Endilega látið heyra í ykkur og ég segi bara áfram Ísland.
kveðja frá Selfossi

Hæ hó

Jæja þá, nú eru jólin endanlega liðin, Ruben er farinn til Boston og byrjar í skólanum á morgun. Svo er bara að bíða eftir páskunum :)
Síðasta vika var mjög fín og leið mjög hratt. Hápunkturinn var á miðvikudaginn þegar við áttum 3 ára brúðkaupsafmæli og skelltum okkur á Herreford (hvernig sem þetta er skrifað). Jii, hvað tíminn líður hratt.
Annars var ég að velta því fyrir mér hvort einhver væri í skrapp stuði? Ég var að fatta það að ég er ekkert búin að sinna þeim málum í nokkuð langan tíma og finnst löngu kominn tími til að klára litla albúmið mitt svo ég geti byrjað á því stóra. Eruð þið í stuði? Vorum við ekki líka að tala um það að hittast kannski einhvern tímann og mála saman? Gera kannski eitt stykki Mónu Lísu eða svo enda allar með eindæmum listrænar og snillingar með pensilinn.
Hvernig gengur annars hjá þér, Ásta? Er veðrið gott í London?
Adios.
Ólöf

Vikan framundan

Sælar og takk fyrir síðast.

Þetta var mjög skemmtilegt kvöld í alla staði. Til að bloggið stoppi nú ekki aftur ákvað ég að setja inn nokkrar línur. Svo sem ekkert merkilegt. Þessa vikuna eru læknadagar verð ég því tvo daga í þessari viku á fyrirlestrum á Nordica hótel. Ég þarf samt að mæta á morgunfund, sem þýðir að ég þarf að hjóla á spítalann og hjóla svo til baka aftur á hótelið. Sem betur fer er voða gaman að hjóla í snjó, þetta væri hundleiðinlegt ef það væri rigning og rok.

Ég held einn fyrilestur á læknadögum og er búin að semja hann. Þetta er bara stutt erindi, verður örugglega ekki mikið mál. Á föstudaginn erum við svo að fara í sveitina og ætlum að djamma og djúsa alla helgina.

Hvað ætliðn þið að gera þessa vikuna?

Kveðja Dögg

Gleðilegt ár :)

Sælar.
Ég var að velta næsta laugardag fyrir mér þar sem að strákarnir hafa ákveðið að halda náttfatapartý saman og við allar í bænum. Hvað ætlið þið að gera? Væri nú ekki gaman að hittast? Skella sér saman út að borða á Vegamótum eða eitthvað? Fara smá út úr húsi? Hvað segið þið?
Kveðja, Ólöf.

Komin á Selfoss !!!

Jæja þá er maður bara orðinn UTLP (Utan af landi pakk) ;) Við erum svona að koma okkur fyrir hérna smátt og smátt. Þetta er bara voða kósý hús nema baðið sem er ekki tilbúið, bara hægt að fara í sturtu og á klósettið. Ég er eiginlega ekkert búin að skoða mig um hérna að sökum veðurs, það hefur verið ógeðslega leiðinlegt alveg síðan við fluttum. Ég og Geirmundur komumst rétt aðeins út í einn göngutúr í næstu búð um daginn og lofaði það góðu það virðist vera nóg af göngustígum sem við þurfum að kanna. Þannig að lífið hérna er bara ágætt hér á Selfossi. Það er hinsvegar ekki nógu gott með vinnuna mína eins og þið vitið og ég næ ekkert í leikskólastjórann fyrr en eftir helgi. En ég er búin að fá dagmömmupláss fyrir Geirmund frá 1. febrúar. Það er þá eins gott að ég fái að fá fljótlega vinnuna mína annars get ég ekki borgað plássið þar sem það er svo helv. dýrt. Afsakið orðbragðið.
Ég bjóst ekki alveg við að vera heimavinnandi hér 1 til 2 mánuði, það kemur sér alls ekki vel fjárhagslega sérstaklega af því ekkert gerist með Vesturbergið og svo er það líka svo fúlt af því að ég hefði getað unnið á Klettaborg lengur og Geirmundur hefði getað verið lengur á sínum leikskóla og við hefðum ekki þurft að drífa okkur svona mikið að flytja. OHHHH égg varð bara aðeins að tjá mig um þetta.
En annars er ekki meira í fréttum héðan frá Selfossi, ég er farin að hljóma eins og fréttaritari, ég kannski verð bara með vikulega pistla frá Selfossi
jæja við heyrumst kannski núna einhvern tímann á netinu því við vorum að komast í netsamband bara í gær. :)
Og endilega látið sjá ykkur.
kveðja Bryndís

Jóla hvað???

Halló allir Hákar

Þar eð við náðum nú ekki að halda litlu jólin okkar langar okkur að bjóða ykkur öllum gleðileg jól og hafið það nú sem best yfir hátíðarnar.

Kveðja Dögg og Grímur

Takk, takk Háksmeðlimir

Ég vil þakka ykkur fyrir góð viðbrögð við síðustu færslu minni. Þið hugsuðuð öll til okkar og þeir sem komu ekki gátu bara ekki komið. Þakka ykkur kærlega fyrir að gefa ykkur tíma mitt í öllu jólastússinu, það er okkur alveg ómetanlegt og það munar um hvert og eitt einasta sem er gert og flýtir fyrir okkur. Núna er t.d. líka alveg heill flokkur af strákum að mála sem er alveg ótrúlega gott að sé klárað. Þið hafið alveg unnið ykkur inn gott matarboð sem verður við fyrsta tækifæri.
Jæja ég vildi bara segja þetta
Takk fyrir mig
bæjó Bryndís

Jólin koma, jólin koma

Hæ hæ
Hvað segið þið gott hvernig væri að segja okkur Ástu nú frá hvernig var á jólahlaðborðinu. Var maturinn góður og misstum við af einhverjum kjaftasögum????

Ég var að velta fyrir mér helginni, ef ske kynni einhver er búin að öllu fyrir jólin og er í vandræðum hvað hann á af sér að gera á sunnudaginn verðum við Rúnar fyrir austan og höfum næg verkefni. Þannig að við þiggjum alla þá hjálp sem okkur býðst. Ég verð meira að segja að sleppa því að skera út laufabrauð þetta árið sem mér finnst vera alveg ómissandi í jólaundirbúningnum. En það er víst svona að vera að byggja á þessum árstíma.

Ég er heima núna með Geirmund veikan einu sinni enn :( en ég vona að það sé léttvægt í þetta skiptið. Svo á ég bara eftir að vinna tvo dag á Klettaborg og svo er ég hætt.

jæja best að fara að gera eitthvað, pakka t.d.
heyrumst
kveðja Bryndís

Sælar skvísur

Hæ hæ

Nú er bara að koma að því, jólahlaðborðið okkar er á miðvikudaginn næsta kl 19 á Argentínu. Nú er því gott að fara að gera teygjuæfingar fyrir magann.... þe borða voða mikið næstu daga.

Hvernig gengur annars jólaundirbúningurinn hjá ykkur? Ég er búin að kaupa allar gjafirnar en á eftir að senda út kortin, skreyta, þrífa hmmmm (ef ég nenni)og ýmislegt fleira. Maður fær einhvernvegin alltaf á tilfinninguna að maður sé ekki búin að neinu..

Við kíktum á húsið á selfossi um helgina. Þetta mjakast fínt hjá ykkur Bryndís, við ætlum að kíkja eitthvert kvöldið í vikunni og hjálpa til við að mála og ef ykkur vantar pössun þá er það sjálfsagt hvenær sem er, ef Geirmundur samþykkir passarann það er að segja.

Kveðja Dögg

Hæ stelpur mínar

Hvað segið þið gott? Það sem er að frétta af mér er að ég er að fara koma heim í næstu viku sama dag og Dögg kemur held ég (samt ekki með sama flugfélagi)þriðjudagin. Það er bara enga vinnu hér að fá, virðist vera eitthvað meira að gera í janúar. Eg fæ þó góð viðbrögð og sumir segja að þeir hringi í mig þegar eitthvað er að gerast eða ég er efst á lista...en það er bara ekkert að gerast og ég nenni þessu ekki lengur. Ætla bara koma heim og vinna hjá pabba mínum =( En þíðir ekkert að vera fúll yfir því það eru að koma jól og svona =)
Sjáumst bráðum

Kvedjur frá Barcelona

Hola
Vid Grimur erum nu stodd a la rambla sem er adal gongu og verslunargatan i Barcelona. Vid komum i gaerkvoldi og vorum sott a flugvollinn af skipuleggjanda radstefnunnar. Vid leigjum litla ibud i midbaenum og erum i hjarta borgarinnar. Thad fyrsta sem vid gerdum i gaer var ad fara a tapas bar og fa okkur saltfisk. Frekari frettir sidar....

Kv Dogg og Grimur

Jólahlaðborð

Hæ allir

Ég hafði samband við þá á Argentínu og við getum fengið borð fyrir 9 miðvikudaginn 14 desember kl 19. Fyrir þann tíma var erfitt að fá borð á svona góðum tíma. Henntar þetta vel? Vinsamlegast svarið fljótt því ég þarf að láta vita, helst í dag.

Kv Dögg

,,Ég skal mála allan heiminn elsku mamma"

Hvaða hvaða brjálað að gera í blogginu núna, bara tvær færslur á einu kvöldi. Þess vegna megið þið ekki gleyma að lesa færsluna hennar Daggar hérna fyrir neðan :) En mig langaði að spyrja ykkur einnar spurningar;
Hver vill mála ???
Ef einhverjir eru til í að fá sér bíltúr á þann fallega stað Selfoss næsta sunnudag og er til í að taka sér pensil í hönd og mála svosem eins og einn til tvo veggi eru þeir velkomnir að Tjaldhólum 5 næsta sunnudag. Við vorum að spá í að það gæti verið bara gaman að hafa smá málningarpartý fyrir þá sem nenna og treysta sér til. Það er engin skyldumæting og við lítum ekki heldur á það sem leti ef einhver kemur ekki.
Við Rúnar vorum þarna í dag að byrja að grunna og gekk bara mjög vel, en þetta tekur allt sinn tíma þannig að því fleiri hendur því betur gengur þetta náttúrulega. Þetta er orðið alveg ótrúlega flott ég verð nú bara að segja það og ég er svo spennt að byrja að setja dótið mitt þarna inn. Ég fór líka að hitta nýja vinnuveitanda minn í dag. Mér leist bara vel á og ég var kynnt þarna fyrir hinu starfsfólkinu sem nýji deildarstjórinn, það var svoldið skrítin tilfinning en það má örugglega venjast því. Svo segi ég þetta við ykkur allar sem eruð deildarstjórar eða yfir einhverju, æii ég er bara ekki vön þessu, hef alltaf verið óbreyttur leikskólakennari og er gaman því að fá titil.
Þar sem við erum eitthvað óvenju busy þessa vikuna, erum að fara í fimmtugsafmæli á fimmtudagskvöldið, ég jólagleði á föstudag og við í barnaafmæli alla leið í Borgarnes á laugardaginn, ákváðum við að stefna þá bara á að mála á sunnudaginn.
Þið sjáið bara til þeir sem hafa áhuga, en það væri ágætt að fá samt kannski einhverja hugmynd um hvort við þurfum að hafa tíu pensla til taks eða bara tvo.
Við heyrumst bara
kveðja Bryndís

Jólahlaðborð

Hæ
Hér er matseðill frá Argentínu og verðlisti.

Meðal rétta á glæsilegu hlaðborði okkar eru eftirfarandi réttir:

Kaldir & heitir réttir:
Kalkúnaskinka með villisveppum
Graflax
Reykt laxaterrine
Kalkúna galantine
Reyktar kalkúnabringur
Kryddgrafinn nautavöðvi
Kalkúnalifrarpaté
Drottningarskinka
Roast beef
Hreindýrabollur
Kalkúnasalat
Innbakað villigæsapaté
Kryddleginn skelfiskur
Heilsteiktur kalkúnn og kalkúnabringur
Grillað oriental kryddlegið lamb
Kalkúnapottur í Bigarde sósu
Kalkúnafylling
Sætar kartöflur
Rauðvínssósa
Madeira villisveppasósa

Eftirréttir:
Risa súkkulaðiterta
Créme Caramel
Ávaxtasalat
Fylltir súkkulaðibollar
Brownies með ljósri súkkulaðimús
Vanilluís
Eplakaka
Blönduð berjaterta
Jarðarberjasósa, karamellusósa

Verð fimmtudaga til laugardaga kr. 5.700,-
Verð sunnudaga til miðvikudaga kr. 4.900.-

Hvað segið þið um þetta. Ég hef heyrt frá nokkrum í vinnunni sem hafa farið undanfarin ár og voru mjöööööög ánægðir.

Kv Dögg

a-tjú-ú-hú

Sælar.
Leiðist. Blogga því. Var að velta því fyrir mér hvort enn stæði til að föndra á sunnudaginn? Kannski ég kaupi mér einhverja jólakortaföndurslímmiða ef við hittumst. Hvað er annars að frétta af ykkur? Það er búið að vera brjálað að gera í vinnunni hjá mér, Legokeppnin um síðustu helgi með tilheyrandi undirbúningi (við unnum engin verðlaun :( og svo foreldraviðtöl eftir kennslu þessa vikuna. Næsta vika mun síðan verða undirlögð af prófagerð og leslistum ásamt upprifjun fyrir krakkagreyin og svo hefjast jólaprófin þarnæstu viku. Sjitt.
En annars, verður föndur på söndag? Hver verður með næsta matarklúbb? Er það jólaklúbburinn? Langar ykkur ekki á Fridays eða Ruby tuesdays eitthvert kvöldið..... Mig langaði allt í einu svo út að borða á svona ekki of dýran stað! Og þá er ég að tala um fyrir utan matarklúbb ;)
Endilega látið heyra í ykkur, þú líka, Ásta.
Kv. Ólöf