Ungfrú Thelmudóttir

Jæja skvísur. Svo er bara spurning hver verður næst deginum :o)

Ásta 19. júlí
Bryndís 12. júlí
Dögg 5. júlí
Elsa 15. júlí
Ólöf 13. júlí (en vonar að hún komi fyrir 6. júlí)
Sigurveig 10. júlí

Nú er bara að bíða og krossa fingur ;o)
Já og svo þurfum við auðvitað að fá niðurneglda dagsetningu frá Dögg...
Þangað til næst...tata

Næsti matarklúbbur

Jæja mathákar

Við Grímur bjóðum til matarklúbbs í sveitinni aðra helgina í júlí. Maturinn verður á laugardagskvöldið. Það er risastórt tún við bæinn sem við getum haldið útileigu (og salerni og sturta í íbúðarhúsinu). Allir velkomnir fyrr ef þið viljið lengri útileigu. Þið mætið með eigin tjöld. Það er sundlaug á staðnum sem er mjög fín, fullt af góðum gönguleiðum og hverfisbar. Einnig verða mánaðargamlir hvolpar sem skemmtiatriði og ef rignir er öruggt húsaskjól hjá Bjarna og Oddnýju.

Rúnar, Bryndís, Elsa og Fjalar og við Grímur ofcourse erum pottþétt. Thelma og Jói geta kíkt í bíltúr með nýju dömuna , sem ég stend fast við að komi í heiminn þann fimmta, og auðvitað Rúnar junior. Ef daman er ekki komin í heimin þá fékk ég þær upplýsingar frá ljósunum á spítalanum að skurðstofan á Selfossi er lokuð í júlí en fæðingardeildin er opin. Það tekur max um 1 klst og 10 mín að komast á lansann frá sveitinni en ég hef farið þetta mun hraðar með sjúkraflutningamönnunum á selfossi. (Bara svona til að róa Jóa). Ef Sigurvdeig er að vinna um helgina þá er mjög stutt´fyrir hana að fara og við getum svo kíkt á sýninguna og jafnvel farið í dýragarðinn í slakka eða eitthvað svipað.

Kvepja Dögg

Hæ, ég er bara að prufa að setja inn mynd : )

Hvernig er með helgina!!!

Hvað segiði...er einhver útilegufílingur í ykkur!!! Á að skella sér eitthvað um helgina. Ég verð víst ekki að vinna um helgina þannig að ég kæmist örugglega...veit ekki alveg hvað Óli gerir þar sem hann er að fara í veislu á föstudaginn og laugardaginn...kemur bara í ljós.
Annars sjáumst við bara á Thorvaldsen á morgun ;o)

Á leið í frí í Borgarfjörðinn

Hæ hæ
það er allt fínt að frétta af mér, þetta er búin að vera ágætis helgi. Ég var í barnaafmæli í dag og borðaði auðvitað yfir mig af kökum og öðru góðgæti. Á laugardaginn gengum við litla fjölskyldan upp Laugarveginn, það er nú bara frétt vegna þess að ég geri það eiginlega aldrei sem er synd. Við vorum í smá gjafaleit að útskriftargjöf og innflutningsgjöf. Við enduðum svo reyndar í Kringlunni þar sem gjafirnar fundust. Ég fékk reyndar eitt óvenjulegt tilboð þessa helgi, ég var spurð hvort ég vildi taka þátt í tískusýningu. Aldrei hélt ég að ég ætti eftir að fá þessa spurningu. En þessi tískusýning fer fram við varðeld á Bryggjuhátíðinni á Drangsnesi og sú sem sýnir fötin gerir þau sjálf úr skinni og þæfðri ull, hún er listakona frá Akureyri. Já hvað finnst ykkur ætti ég ekki bara að slá til, ég er ekki búin að svara en ég held ég hafi bara gaman að þessu og geri bara einu sinni eitthvað öðruvísi, það verða hvort sem er allir komnir í glas og muna ekkert eftir þessu daginn eftir, segjum það allaveganna :)
En ég og Geirmundur ætlum nú á morgun að skella okkur í heimsókn í Borgarnes til Helgu vinkonu og vera eitthvað fram eftir vikunni. Ég læt ykkur svo vita varðandi matarklúbbinn vonandi sem fyrst. En eitt að lokum ég var víst nr. 9998 ohhh næstum því.
Síjú girls soon
bæjó og hafið það gott.
kveðja Bryndís

10.000 gesturinn nálgast....

Verður það ein af okkur?? Einhver óvæntur gestur kannski?? Hver veit. Ég hvet allaveganna 10.000 manneskjuna að kommenta undir þessu bloggi. Úje.

Blogg fyrir Ástu :o)

Sælar skvísur. Af mér er þetta að frétta...nældi í æluna í morgun en ég lét mig nú hafa það að mæta í vinnuna. Skilaði svo því sem ég hafði borðað í morgun rétt eftir að ég var mætt á svæðið og er svei mér þá bara öll að hressast :o)
Annað: það er ekkert að gera í vinnunni. Hef ALDREI orðið svona brún áður en við Auður höfum legið úti á svölum í vinnutímanum og safnað brúnku. Ok þetta hefur verið meira út í rautt heldur en brúnt hjá mér en þetta er þó einhver litur. ENDILEGA KÍKIÐ Á SÝNINGUNA Í SOGINU UM HELGINA. ÞIÐ GETIÐ FENGIÐ KAFFI, DJÚS OG KEX OG EF ÞIÐ ERUÐ GÓÐ FÁIÐ ÞIÐ BOL JIBBÍ JEI.
Jæja ætla að fara að gera eitthvað þar sem það er að koma hópur á eftir (about time).

Ta ta darlings

Grill heima hjá okkur á 17.júní!!

Jæja þá erum ég og Jói búin að ákveða að bjóða þeim háksmeðlimum sem vilja og geta að koma heim til okkar næsta föstudag (17.júní)....áður en haldið er niður í bæ um kvöldið.......að grilla á nýja grillinu okkar. Nema auðvitað að Bryndís og Rúnar ætla að halda matarklúbb þá.....þá endilega látið okkur vita.

Annars vorum við að hugsa um að allir kæmu með kjöt eða eitthvað annað á grillið fyrir sig og sína (og líka kartöflur hjá þeim sem vilja), en við Jói ættum að geta reddað salati og sósu sem meðlæti. HVERNIG LÍST YKKUR HÁKSMEÐLIMUM Á?? Endilega að kommenta sem fyrst hvort og hverjir ætla að koma og hverjir ekki.

Annars er bara allt gott að frétta af okkur héðan úr Engjaselinu og það er ekkert lát á því að kúlan hætti að stækka....held barasta að það sé breyting á hverjum klukkutímanum sem líður....hehehe!! Á morgun er síðasti vinnudagurinn minn....jibbý, jey!! Enda er löngu kominn tími á að ég fari í smá frí svo að barnið fari nú ekki að koma of snemma í heiminn, enda ekki nema um 4 vikur eftir (+/-2 vikur).....

Bannað að hætta að blogga

Það er skylda að blogga ALLT, bloggustu blogg. Endilega að blogga allt sem gerist. Plíííís bloggiði annars veit ég ekkert hvað er að gerast. Blogg þarf ekkert að vera langt, ekki heldur komment svo endilega að blogga meir.
Hérnamegin er ekkert spennandi að gerast, allt í rólegheitum og bjallan og bjöllusófinn bara tilbúin held ég. Þarf að laga möppuna mína áður en sýningin byrjar og gera flotta ferilskrá (eða hvað sem þetta heitir á íslensku...) Svo er bara hefí djamm næstu helgi. Hvernig er djammið hjá ykkur, grill og svona á sautjánda?
Já ein frétt, ég fæ smá vinnu í tvær vikur í júlí...launað eða ólaunað veit ekki alveg en það kemur í ljós.
Látið nú heyra í ykkur!!!!!

Hvað er í gangi???

Ég verð bara að kvarta. það er enginn að blogga hérna inni. Nú veit ég að það er ýmislegt spennandi að gerast hjá ykkur. Hvað er að gerast með okkur, erum við hættar að blogga?

Nýtt líf

Halló dömur

Það hefur ekki heyrst mikið frá mér undanfarið svo ég ákvað að koma með smá fréttir af sjálfri mér. Um miðja síðustu viku kláraði ég kandidatsárið og er nú orðin deildarlæknir á kvennadeild. Með lækningarleyfi og alles. Það eru mikil viðbrigði að fara að vinna á kvennadeildinni, allt öðruvísi sjúklingar en ég á að venjast og miklu meiri ábyrgð. Ég er því búin að vera með hjartað í buxunum síðan ég byrjaði og fundist ég vera voða vitlaus en það var fyrsti dagurinn í dag sem mér fannst þetta ganga bærilega. Það er heilmikið kennsluprógramm og fyrsta daginn var mér rétt 300 bls bók og sagt að lesa hana á viku, svo myndi ég fá nýja bók að henni lesinni. Ég er að streða við að reyna að klára, búin með 100 bls og á að skila á miðvikudaginn. Ég næ kannski 50 í viðbót í kvöld.

Auk þess er ég að lappa upp á æfingaprógrammið mitt. Í vetur hefur þetta verið þannig að ég æfi sæmilega seinnihluta mánaðarins en svo byrja ég á nýrri deild, þarf að læra allt upp á nýtt og er voða þreytt þegar ég kem heim og hef ekki orku í þetta þar til ég er nokkuð vel komin inn í hlutina. Svo æfi ég í hálfan mánuð og svo hef ég þurft að skipta um deild uppá nýtt. Núna verður sama deildin í ár jíbí.

Grímur er að vinna í sveitinni þessa dagana og erum við að keyra á milli til að hittast. Ég fór í sveitina á föstudaginn og fylgdist með mínum heittelskaða spila leik í sunnlennsku deildinni. Voða gaman. Svo gekk á með afmælum og skírnarveislum í bænum það sem eftir lifði helgi.

Ég fer í sumarfrí um 12-13 júlí og verð í 4 og hálfa viku, ég get ekki beðið.

Hvað er annars að frétta af ykkur

Kveðja Dögg

Útileiga, útileiga!!!

hæ allar
Hvernig er það með ykkur eruð þið ekkert farin að fá fiðring og langa í eina útileigu. Okkur á mínum bæ langar allavega mikið að fara í fyrstu útileigu sumarsins. Við stefnum á að fara næstu helgi, kannski á Snæfellsnesið. Hvernig líst ykkur á að koma með, er einhver áhugi fyrir því ??
Endilega commentið, við vorum jafnvel að hugsa um að fara ekkert fyrr en á laugardeginum og auðvitað líka sjá hvar veðrið er gott. En ef allir eru æstir í að fara á föstudaginn myndum við ekkert sitja heima :)
Heyrumst Bryndís