Miðvikudagur kominn og helgin fer að nálgast. Er e-ð planað hjá ykkur um helgina? Strákarnir ætla að hittast á fös og spila tölvuleik held ég. Eigum við ekki að hittast og gera e-ð skemmtilegt? Ég er opin fyrir öllu ;) Hvað segja stúlkur?

Prufið þetta:

People, this is real funny...you gotta try!

LEFT BRAIN RIGHT BRAIN
This is one of the strangest things I have ever encountered.
Left brain, right brain.
While sitting at your desk,lift your right foot off the floor and
make clockwise circles.
Now, while doing this,draw the number "6" in the air with your right hand.
Your foot will change direction and there's nothing you can do about it.

Hallo

Vill einhver koma med mer a Placebo tonleika i juli? Eg veit ad Elsa & Fjalar og Olof &Ruben eru ekki ad fara. Endilega ad lata mig vita med sms-i.
Asta

Guten tag!

Rosalega líða þessar helgar hratt alltaf. Eins gott að það er gott í sjónvarpinu í kvöld, það reddar alveg mánudögunum. Ok, helgin hjá mér var alveg rosa fín. Á föstudaginn fór ég í grillveislu til Ingu Lilyar þar sem við grilluðum dýrindis lambakjöt með öllu tilheyrandi, horfðum á Friends og Idol og síðast en ekki síst Ungfrú Reykjavík! Það var haldið veðmál eins og vanalega og 2 bjórar á mann settir í pottinn. Þetta var mjög spennandi en mín ungfrú vann ekki neitt : ( Á laugardaginn fórum við svo á árshátíðina í vinnunni. Hún var á Brodway og heppnaðist alveg frábærlega. Maturinn var æði og skemmilegir veislustjórar (Simmi og Jói). Við Fjalar unnum bæði í happdrættinu, hann vann út að borða fyrir 2 á Argentínu og ég á Hótel Holt : ) Í svörtum fötum spiluðu svo og við dönsuðum til 3. Gærdagurinn fór nú bara í leti og hangs upp í sófa og svo skelltum við okkur á Kill Bill í gærkvöldi. Ég mæli með henni, hún er rosa góð.

Mánudagur - O.C. Survivor C.S.I.

Jibbý jibbý, sjónvarpsdagurinn minn er kominn og mættur. Reyndar súrt að helgin sé liðin en mánudagurinn bætir það upp með góðri sjónvarpsdagskrá hjá Skjá einum. Kvöldið hjá mér er semsagt planað!
Er gjörsamlega að kúgast yfir endalausri verkefnavinnu í skólanum. Sem betur fer er þetta að klárast og sumarið alveg að koma, jibbý.
Setti á gamla Roni Size/ Reprazent diskinn um helgina (New forms) og datt í flashback fíling. Langaði allt í einu að verða 22 ára aftur og skella mér á djammið á Thomsen. Já, það var gaman þá en það er líka gaman núna.
Jæja,
við verðum að passa að síðan deyji ekki og segi því : áfram bloggarar. EKki hætta að blogga.
kv.

RIIIIISASTÓR BÝFLUGA HÉR HEIMA!!!!

ohhhh það er geðveikt stór býfluga hérna inni hjá mér sem mér tókst reyndar að veiða í glas......er ég ekki hugrökk, þurfti samt smá tíma til að mana mig upp í það???? Þetta er svo mikil hlussa að ég held bara að þetta sé drottning eða eitthvað, er allavega með tvo búka, sá aftari er frekar stór, svo er hún með alveg ógeðslega stóra og feita fætur (6 talsins), tvo mjög stóra vængi og svo er hún líka loðin og er svört og frekar ljósbrún á litin (frekar en gul og svört) og hún er röndótt....þannig að þetta getur ekki verið geitungur......eða er það......en Ólöf ég læt þig um að ákveða það, þú ert svo mikil pöddumanneskja og veist svo mikið um svona lagað!!! .......Já og svo drap ég reyndar eina litla könguló áðan heima hjá mér þegar ég var að sópa...alveg óvart!!! Þannig að Ólöf ef þig langar til að koma í dýraríkið hjá mér á ég nokkur gæludýr núna.....en því miður enga kisu sem leikfélaga fyrir Krumma ;-) Þessi býfluga er svo stór að ég er hálf smeik um að hún komist úr glasinu þó að það sé á hvolfi......;-( ooohhhhh ég þoli ekki býflugur og köngulær.......og einmitt þurfti þetta bæði að rata inn í íbúðina mína!!!! Ég er bara að bíða eftir að hann Jói komi heim til að sýna honum flykkið sem að ég veiddi alveg alein.....og svo fær hlussan frelsi á ný ef ég þori að sleppa henni, vona bara að hún fari nú ekki að ráðast á mig....greyið er orðin svo þreytt á að reyna að brjótast úr glasinu að ég hálf vorkenni henni.

Jæja vona bara að veika fólkinu fari nú að batna á næstunni og gleðilegt sumar allir saman!!!

Er farin að læra eitthvað og svo er bara að horfa á alveg ógeðslega spennandi þátt á stöð 1 í kvöld upp úr 11 sem heitir held ég "Illt blóð", en hann byrjar strax eftir "Sex in the city"....verðið að kíkja á hann!!!!

Hallo og gledilegt sumar

Ja tad er bara finasta vedur a sumardagin1. sol en sma ski og finn hiti. Var ad kynna verkefnid mitt nuna fyrir hadegi svo byrja a morgun ad kaupa fyrir tad, uff a eftir ad spreda peningum madur damn! A allan dagin eftir til ad slaka a, aetla hitta vinkonu og drekka bjor eda e-d i solskininu =)
Svo linuskautar er haettulegir vonandi batnar honum bradum.... Eg bara held tessari sidu gangandi ha.....eitt blogg kommon. Se til hvort eg bloggi e-d meira seinna.
Kvedja Asta.

HÆ HÆ HÆ

Ákvað að blogga svona til að halda þessari síðu gangandi. Ekki mikið að frétta af mér. Var í Odda í morgun að vinna verkefni, verð í Odda á morgun að vinna verkefni.. Vei vei eða þannig. Keypti mér loksins skó í gær eftir dálitla leit. Þeir verða góðir í rigningunni í sumar og næsta vetur. Ég hefði geta verslað svona 10 pör og eitt þannig hundrað þúsund kalli en ákvað að láta ekki verða af því. Djöfull eru skór dýrir, sérstaklega svona sandalar sem duga í 3 mánuði.
Ruben er ekki í vinnunni eins og er þar sem hann datt á línuskautum og brákaði rifbein... Vonandi fer honum að batna ásamt aumingja Heiðu.
Heyrumst bara og gleðilegt sumar á morgun!

:o(

Nei Ólöf ég get ekki sagt að það sé allt fínt að frétta hér á þessum bæ. Er búin að vera í hjúkkustarfinu í allan dag. Búin að hringja út um allan bæ og hanga á læknavaktinni í einn og hálfan tíma :o( Heiða Björg þurfti að fá hita í gærkveldi aðra helgina í röð en í þetta skiptið fylgdi meira með. Hún er komin með 40 stiga hita og kom í ljós að hún er einnig með streptakokta og særindi í hálsi og er þar af leiðandi MJÖG aum í hálsinum (hægri hlið hálsins er bólginn og það má ekki snerta af því að það er svo sárt). Held að hún hafi aldrei verið svona veik áður, litla greyið. Hefur ekki orku í að borða og varla að drekka en maður pínir drykkinn nú samt ofan í hana.
Eeeeeeeeeeen af mér er allt fínt að frétta, var að klára eina ritgerð af þremur og stefni á að vera búin að ljúka þeim öllum fyrir lok næstu helgi ;o) (vinnur maður ekki best undir pressu!!!)
Jæja ætli það sé ekki best að hoppa upp í rúm til litla hitapokans míns sem er þó að krókna úr kulda...
Þangað til næst

Helgin búin.... jibbý!

Hljómar frekar öfugsnúið en miðað við að ég var að vinna föstudagskvöld, allan laugardag og allan sunnudag þá er ég mjög ánægð yfir því að helgin sé liðin. Ákvað í gær að taka með mér tölvuna í vinnunna þannig að ég gat lært og spilað Sims sem drap tímann alveg ágætlega.
Núna er hann Krummi litli byrjaður að fara alveg aleinn út og vill helst hanga þar. Ég var mjög stressuð fyrst og hélt alltaf að hann myndi týnast en það hefur hann allaveganna ekki enn gert. Skil núna tilfinninguna þegar að mömmur eru að setja krakkana sína í fyrsta skiptið á leikskóla...... Ég vona bara að það fari ekki einhver læða að tæla strákinn minn og notfæra sér hann. Hann verður sendur í geldingu um mánaðarmótin ha ha.
Nóg um kisutal. Er ekki bara allt gott að frétta af ykkur? Hefur einhver heyrt í Dögg (úbbs, ég er ennþá með kjólana hennar) og er ekki bara London fín, ásta??
Gleðilegt sumar á fimmtudaginn.
kv ólöf

hummmm af hverju kemur bloggið ekki inn????

jæja þarf samt að hætta, bið kærlega að heilsa!!!

Hæbb!!!

Jæja nú er ég komin í bann þangað til 15.maí í að blogga vegna þess að þetta er of mikill tímaþjófur og ég þarf víst að halda áfram að skrifa BSc-ritgerðina mína!!! :-( En ég má þó kíkja á netið í 1/2 klst. á dag, þannig að ég skal vera dugleg að setja komment á það sem þið bloggið á þeim tíma, þannig að verið nú duglegar að setja niður fréttir handa mér þannig að ég hverfi nú ekki af yfirborði jarðar alveg eins og hún Dögg heitin.......;-)

Annars er bara allt ágætt að frétta af okkur, við erum bæði að fara yfir um af stressi þessa dagana vegna þess að það er svo mikið eftir að gera í ritgerðunum okkar og vinna úr niðurstöðum, en lokaskil á ritgerðinni er 15.maí.......vörnin er 21.maí (hugsanlega samt aðeins seinna)......en svo er náttúrulega Spánn 27.maí......jibbý!!! Og svo byrja ég ekki að vinna fyrr en 1.júlí, þannig að ég og Rúnar Örn fáum gott sumarfrí saman, en hann Jói þarf að byrja að vinna um leið og við komum til baka frá Spáni.

Jæja má víst ekki hanga lengur í tölvunni í bili, verið nú duglegar að segja mér fréttir......og já Elsa, ertu til í að senda mér bréfið um Barselóna sem að hún Elsa Steinunn sendi þér, fínt að hafa smá hugmynd um það sem hægt er að skoða þar.......

Bæjó spæjó!!!!

Já heyriði ég bíð framm stofuna mína ef það er í lagi ykkar vegna FRÍR BJÓR...eða bara kaffi eða bara vatn eða eitthvað og....nammi. Ef þið drekkið kaffi þá skal ég spá í framtíðinna fyrir ykkur =)
Ásta =)

Jæja pæjur

Nú er bara alveg að koma helgi. Er e-ð planað hjá ykkur annað kvöld? Ásta er að fara út á laugardaginn og því væri alveg upplagt að hittast á morgun við stelpurnar. Strákarnir eru búnir að plana tölvukvöld á morgun heima hjá okkur. Er einhver sem býður fram húsnæðið sitt? Við gætum líka farið á kaffihús eða e-ð þannig. Hvað segið þið?

GLEÐILEGA PÁSKA

Langaði bara til að óska ykkur gleðilega páska! Fá ekki allir fullt af páskaeggjum??? Allaveganna hann Rúnar litli.
Ég fæ eitt egg númer 4, egg sem ég keypti mér sjálf!!
Við verðum svo bara að endurtaka djammið aftur. Fara bara upp í bústað eða eitthvað, þeas ef einhver á bústað.

Gott framtak hjá þér Thelma að setja inn myndir. Jibbý!

JIBBÝ!!!

kominn myndasíða handa okkur!!! Er samt enn í vinnslu.....

Takk fyrir síðast :o)

Takk stelpur.......og strákar fyrir frábært kvöld. Ruben á heiður skilið fyrir frábæran mat og auðvitað Ólöf líka fyrir að hjálpa til ;o) Ligg núna uppi í rúmi og er að biða eftir Makkaranum sem mamma ætlar að kaupa handa mér. Ekki það að ég sé þunn heldur er ég bara að fyrirbyggja að það gerist. Elsa margarítusnillingur stóð sig með prýðum og verður bara í þessari deild í framtíðinni. Ekki má gleyma frábærum drykkjuleik...ég hef bara ekki skemmt mér svona í mörg ár :o)
Jæja maturinn er mættur á svæðið
tjá

Ola senjoritos

Jæja, nú styttist í kvöldið sem við erum allar búnar að bíða eftir Úff, nú er ég gjörsamlega að springa, það var kókosbollu eftirréttur, 5 tegundir af ís og lindt rauðar kúlur eftir matinn áðan. Það væri gott að fá sér kríublund núna. Allavega, þá líst mér mjög vel á að djamma heima hjá Thelmu og Jóa í kvöld. Þá förum við fyrst til Ólafar og Rubens og getum svo komið við heima og náð í margarítudótið á leiðinni til Thelmu og Jóa. Við vorum með einhvern líkjör í þessu síðast þ.a ég ætla að kíkja í ríkið á leiðinni heim og sjá hvort ég finni e-ð sniðugt. Hvenær er annars mæting hjá ykkur Ólöf?

Við sjáumst svo í kvöld í MEGA stuði

Gleðilega páska

Hæ hæ stelpur og strákar
Þá var ég að koma úr mínum öðrum tíma foreldrafræðslunnar og sáum við myndband í dag af eðlilegum fæðingum. Það er í fyrsta skipti sem ég sé svona alvöru fæðingu og táraðist maður bara þegar barnið kom. En ég leyni því ekki að þetta er samt pínu kvíðvænlegt. En þess virði :) En heyrið þið í mér í þessum hugleiðingum á meðan þið planið djamm, já ég er ekki alveg á því akkúrat núna en ég vona samt að þið skemmtið ykkur alveg ógeðslega vel og skemmtið ykkur fyrir okkur líka, þið drekkið tvöfalt er það ekki????? Ólöf ég átti að skila kveðju til þín frá henni Lísu, hún er með mér á námskeiðinu.
Við erum sem sagt á leiðinni til Egilstaða á morgun og ætlum að hafa það alveg ógeðslega gott svo ég segi bara við ykkur gleðilega páska og skemmtið ykkur vel á morgun við hugsum til ykkar og vildum alveg vilja vera með ykkur en maður getur víst ekki verið allstaðar. Við sjáumst svo bara hress eftir páska.
Kveðja Bryndís og Rúnar og litli bumbubúinn.

Ojjj ojjj OOOOOJJJJJJJJJ

Stelpur....ég er alveg að springa hérna í sófanum heima...á að vera að læra undir próf núna en þar sem ég át svo mikið af namminu mínu á stuttum tíma þá ligg ég hérna í sófanum og bíð eftir að springa. Djö.... líður mér illa. Að maður skuli ekki getað hamið sig, meinaða. Er einhver sem getur hjálpað mér að læra undir prófið...þetta er Samfélagsvitund og samkennd við breytta heimsmynd ;o) Einhver!!! Nei hélt ekki :o(
Kvöldmaturinn minn verður bara grænmeti og ekkert annað (þeas ef ég fæ listina einhvern tímann aftur í kvöld).
Það verður nóg að gera á morgun, próf, flytja verkefni og svo húsfundur(finna lit á blokkina og svoleiðis JIBBÍ) Ef þið hafið einhverjar hugmyndir að lit á blokkina endilega skellið þeim inn, vil helst fá skárri lit en BRÚNAN sem kellingin niðri í kjallara vill. Mér datt í hug svona eitthvað út í grátt...
Er bara farin að hlakka til miðvikudagskvöldsins, á ég ekki að kaupa eina flösku af tequila sem við getum svo deilt...hvað þurfum við margar flöskur fyrir okkur...ætlar Dögg að mæta...kannski að ég sendi henni bara sms.
Held ég hafi þetta ekki lengra í bili
Adios amigos, hlakka til að hitta ykkur

Sunnudagur!!!

Jæja þá er djamm ársins liðið í bili, en ég, Ólöf og Ásta duttum alveg ærlega í það í gær og skemmtum okkur alveg konunglega.....hefði samt alveg mátt sleppa síðasta bjórnum...hummm ;-) Eins og planað var staupuðum við í tequila og urðum alveg haugdrukknar og í svakastuði og djömmuðum fram á rauða nótt....myndirnar sem hún Ólöf tók í gær sanna það!!! Annars er dagurinn í dag búinn að vera alveg sæmilegur, ákvað bara að liggja uppi í rúmi og sofa til kl.16 vegna þess að þar leið mér best......var frekar þunn og þreytt eftir djamm gærkvöldsins.....en það hefur ekki gerst síðan í MS!!!

Annars kom Guðni og kærastan hans með hana Emmu Guðrúnu litilu í heimsókn í dag og er hún algjört krútt! Hann Rúnar Örn var að koma heima frá pabba sínum þannig að ég er að fara að perla með honum.

Munið bara það er líka djamm næsta miðvikudagskvöld.....tequila og læti, en þá er bara best að sleppa þessum síðasta bjór eins og í gær....hummmm! Hvernig er það Sigurveig, getur þú reddað pössum fyrir hana Heiðu þá??? Látið heyra í ykkur.

Víu víu

Já, það er allt að verða vitlaust...
Í dag ; fimleikamót , Ólöf og Thelma ofl?
Á morgun; aliens vs. predator : Jói, Rúnar, Ruben ofl. og ég held meira að segja að Rúnar ætli að elda!!
óvissuferð; Bryndís
matarklúbbur; Elsa og Fjalar
djamms; Thelma, Ásta og Ólöf
En hvað með SIgurveigu og Dögg... Hvað ætlið þið að gera???????????
Á miðvikudag: dinnerclub ; allir mæta nema austurfarar
Á páskum; djamm????

Það er því nóg að gerast hjá Háksmeðlimum þessa dagana sem er auðvitað mjög jákvætt. Reyndar eru litlar fréttir af henni Dögg okkar. Eru bækurnar búnar að ná henni á sitt vald? Já, það verður betra í sumar er skóla líkur hjá henni.
Annars er bara allt fínt að frétta af mér. Var með 10 mínútna kynningu í gær með skólasystur minni henni Helgu. Við kynntum hugmynd af þverfaglegu námsefni sem við viljum hanna í náttúrufræðum á unglingastigi, nánar tiltekið vef á netinu sem fjallar um þróun manns og jarðar og lífsnauðsynjar ýmsar þ.a. vefurinn færi á slóðir líffr. jarðf. efnafr. og eðlisfræði! Okkur finnst þetta alveg stórsniðugt og kennaranum líka þannig að það er mikið mont í gangi hjá mér núna!
Heyri vonandi í ykkur öllum saman bráðum.
Kveðja, ólöf pólöf

1. apríl

Helló girls
hlupuð þið ekkert apríl í dag eða létuð aðra hlaupa?? Ég gerði bæði, Rúnari tókst auðvitað að plata mig :/ En það var að vísu bara saklaust grín þegar ég svaraði í símann í vinnunni. En ég lét bæði systkinin mín hlaupa. Stefán fór út í búð af því ég sagði honum að Hanna (systir) hefði hringt í mig og spurt hvort ég gæti lánað henni pening og beðið Stefán að fara út í búð fyrir sig áður en hún kæmi heim úr skólanum. Hann trúði mér og fór út í búð reyndar eftir svolítið strögl :) Svo plötuðum við í sameiningu systur okkar og sögðum að hún ætti að hitta vinkonu sína þegar hún kæmi heim úr skólanum. Hanna trúði þessu alveg og hringdi reyndar bara í hana en þá kom vinkona hennar alveg af fjöllum. Hí hí það er gaman að fíflast í systkinum sínum.
En annars er allt gott að frétta, það er komin apríl sem þýðir að nú er bara apríl og maí eftir af minni fyrstu meðgöngu sem er búin að vera alveg ótrúlega ljúf. Mér finnst tíminn hafa þotið áfram og það er svo óraunverulegt að það sé að fara að koma að þessu. En ég get samt sem áður ekki beðið. Ég hlakka mjög til á morgun þá klára ég síðasta foreldraviðtalið mitt fyrir orlof og þarf ekki að taka slíkt viðtal fyrr en eftir ár. Ég er þá búin að taka átta viðtöl á tveimur vikum, mjög fegin að það sé búið.
jæja nóg blaður í bili
bæjó Bryndís

Fimmtudagur...

og svo föstudagur á morgun. Finnst ykkur ekki alltaf vera föstudagur. Mér finnst að minnsta kosti alltaf vera föstudagur. Eg er búin að vera í starfsnámi í Fellaskóla alla vikuna og það er bara búið að vera voða rólegt. Í dag vorum við að baka, gerðum skinkuhorn og skúffuköku. Borðuðum hornin í hádeginu og fáum okkur svo skúffuköku á morgun á meðan við horfum á einhverja videospólu. Lúxusinn... Reyndar er þetta nú ekki fastur liður en þar sem flest allir í unglingadeildinni eru í skíðaferð þá fá þeir sem ekki fóru í ferðina að dunda sér í skólanum.
Hey Ólöf og Dögg (ef sú síðarnefnda fer einhvern tímann á síðuna) hver haldiði að sé skólastjórinn í Fellaskóla:o)....engin önnur en ungfrú Snobb snobb eða öðru nafni Hólmfríður. Hún mundi meira að segja eftir mér og mínum systrum og hældi bekknum okkur í bak og fyrir. Við vorum svo æðisleg og við skvísurnar erum það náttúrulega ennþá hehe.
Núna er ég stödd heima hjá mömmu og pabba og er að bíða eftir að maturinn verði tilbúinn. Svo er ferðinni heitið niður í Skeifu að SKÚRA JIBBÍ SKIBBÍ...ég ELSKA að skúra... NOT
Fleira er ekki í fréttum í bili
Adios amigos