JIBBÝ JEY!!!!

Jæja nú er ég loksins búin í "prófinu" og vona ég bara að það hafi gengið ágætlega.... Ég auðvitað lagði mesta áherslu á að læra hálsinn, en nei þá þurftu þær endilega að spyrja mig mest um öxlina.....en ég held þó að ég hafi getað reddað mér ágætlega úr þeim "vanda", var auðvitað líka búin að læra aðeins um hana. Eftir lokaklínikina fórum ég og önnur stelpa sem var líka í prófi í dag á Reykjalundi á CFC og fengum okkur djúsí kjúklingaborgara og franska og kokteilsósu....nammi, namm!!! Ohh ég er svo södd núna að ég held að ég sé að springa. En annars í kvöld ætla ég EKKI að læra, en greyið Jói er að fara í sitt próf næsta föstudag þannig að hann verður víst að læra næstu kvöld.

Hvað á annars að gera um helgina? Ætlar einhver að fara á djammið, eða er einhver í stuði fyrir spil? Er opin fyrir öllu, erum auðvitað barnslaus þessa helgi og prófið búið, þannig að það er tilvalið að sletta aðeins úr klaufunum eftir þessa stressviku. Verðum allavega í sambandi.