Takk fyrir mig

Jólin eru búin að vera alveg einstaklega ljúf og þægileg.
Ætla að prufa að setja inn mynd...

Er þetta bara ég eða...

Ég er sem betur fer blessunarlega laus við allt jólastress enda tel ég forsenda jólastresssss vera eitthvað sem við búum til hjá okkur sjálfum. Reyndar ráða ekki allir við fjárhagsstressið sem fylgir jólagjafainnkaupum og jólamatarinnkaupum en allt þetta að vera búin að skrúbba íbúðina hátt og lágt, baka 50 smákökutegundir, föndra og skrifa í 100 jólakort, 2 hlaðborð, jólaglögg, meira föndur o.s.frv. er eitthvað sem ég tel vera algjöran óþarfa nema maður hafi góðan tíma. Eruð þið sammála eða er ég bara full of crap?

Þá er það ákveðið :)

Það verður sem sagt jólamatarklúbbur á Selfossi þann 22. desember. Frábært ef allir mæta. Við skulum bara vona að veðrið verði skaplegt og ekkert að færðinni. Læt ykkur vita þegar nær dregur um mætingu og ég þakka einnig fyrir boð um hjálp og getur vel verið að við þiggjum það. Nú er bara að spýta í lófana og hefja jólahreingerningu. Þetta verður mjög gaman og vonandi verðum við búin að setja jólatréð upp líka. Hvernig var þetta í fyrra, keyptum við ekki eina krakkagjöf og eina fullorðinsgjöf ?? Svo skulum við bara hafa kostnaðinn í lágmarki.
Heyrðu Ásta! Takk fyrir skemmtilegt og sniðugt kort:) Það er komið í eldhúsgluggan minn.
jæja við verðum bara í sambandi, ég ætla að fara að búa til aðventukrans og fara svo eitthvað að þrífa.
kveðja Bryndís

Jólamatarklúbburinn

Hæ hæ
Í gær ræddum við aðeins um næsta matarklúbb og komumst að þeirri niðurstöðu að líklega kæmust bara flestir 22. desember og það er frábært að Ásta kæmist þá líka. Þennan dag er engin á jólahlaðborði og allir búnir í prófum. Svo, ég spyr eru allir sáttir við þessa dagsetningu? Ég tel að við séum 18 ef allir mæta. Svo úff bara eins gott að við Rúnar verðum skipulögð og búin að öllu fyrir þennan dag. En endilega kommentið og segið hvað ykkur finnst og þá getum við bara fest þennan dag. En eitt enn, Ólöf ég vil alls ekki eitthvað vera með einhvern yfirgang og vera að troðast fram fyrir ykkur ef ykkur langar til að halda jólaklúbbinn af því að mér er alveg sama þó ég haldi hann ekki.

Einhver varð að taka af skarið!!!!

Jæja bloggpíur, hvað er nú títt??

Það er ekki hægt að neita því að maður finni nú fyrir árlegu orkuleysi. Þegar það er dimmt þegar farið er í vinnuna og dimmt þegar farið er úr vinnunni aftur. Í kvöld var kveikt á jólaljósunum hér í Árborg og birti óneitanlega yfir bænum...

Ég er enn að bíða eftir því að hafa tíma til að föndra jólakort. Ég er búin að gera undirbúningsvinnu fyrir nokkur en hef ekki haft tíma til að klára þau. Nágrannar okkar hér í sveitinni eru nýkomin frá Danmörku og nú er bara vika í að við förum þangað líka. Við erum að fara að heimsækja bróður hans Gríms og konuna hans og ég þarf líka að fara á einn fund. Ég misreiknaði mig samt allverulega þegar ég bókaði ferðina.... gerði ráð fyrir að Árósar væru í svona 2 klst lestarferð frá Köben. Ég gæti þá bara skroppið á fundinn.... en Árósar reyndust vera í 3 1/2 klst fjarlægð frá Köben..... Ég þá því slatta af lestarferðum framundan. Þarf því klárlega að kaupa mér einhverja reifara í fríhöfninni.

Ég er að vinna alla helgina, þetta er önnur helgin í mánuðinum sem ég er að vinna og ég er ekkert sérstaklega hress með það. En svona er það nú...

Eruð þið ekki með eitthvað krassandi slúður eða góða frétt sem gæti lífgað aðeins upp á vikuna?

Kveðja Dögg

Voðalega höfum við það gott.

Norway Named Best Nation to Live In
By Evelyn Leopold, Reuters


UNITED NATIONS (Nov. 10) - Norway, Iceland, Australia, Ireland and Sweden rank as the best five countries to live in but Africa's quality of life has plummeted because of AIDS, said a U.N. report released on Thursday.


Hvernig ætli að þetta verði eftir 15 ár?

Spurning?

Á að vera Selfoss partý nú um helgina??

Og þá gerðist það!

Gaurinn keypti sér íbúð þannig að við flytjum inn í næstu viku, íhaaa. Hann er reyndar ekki búinn að láta okkur vita en mamma sagði mér þetta áðan. Og þá er að herða sultarólina (úffúff) og svo einnig bjóða ykkur kannski einhvern tímann í heimsókn ef ég nenni, en já, bara ef ég nenni því þið eruð svo miklar subbur og heimilið mitt alltaf svo hreint og flawless haha eða þannig :)

Þetta á eftir að taka smá tíma.

Núverandi föt? Gallabuxur, svartur stuttermabolur og hvít rend hettupeysa
Núverandi tími? 20:24
Núverandi skap? Allt í lagi svona.
Núverandi hár? Slétt eins og alltaf en far eftur teyjuna.
Núverandi pirringur? Kallin hringdi ekki.
Núverandi lykt? Ástu likt.
Núverandi hlutur sem þú ættir að vera að gera? Leyra eyra.
Núverandi skartgripir? Úr og þórshamar.
Núverandi bók? Character make-up.
Núverandi áhyggja? Ætlar kallin ekkert að hringja.
Núverandi uppáhaldsleikari? Veit það ekki alveg.
Núverandi íþrótt? Út að hlaupa í huganaum.
Núverandi löngun? Í meira M&M með hnetusmjöri.
Núverandi tónlist? Oh ógeðslega leiðinlegt lag með green day, píku rokk úff.
Núverandi ósk? Að kallin hringi núna strax á morgun.
Núverandi texti á heilanum? Það er svona flaut með sænsku hljómsveitinni Peter, Björn and Jhon.
Núverandi farði? Var of þreytt í morgun til að muna setja eitthvað á mig og fékk nett sjokk þegar ég vissi að ég hafði komið í vinnuna nakin um augun.
Núverandi undirföt? eitthvað gamallt úr Top Shop og M&S, með mynd sem sést varla.
Núverandi eftirsjá? Að hafa ekki verið á landinu í janúar og borgað ákveðnum ísl manni til að fá að vinna með honum í ákveðinni mynd.
Núverandi áætlanir fyrir kvöldið? Leyra eyru.
Núverandi blótyrði? Sjitt.
Núverandi vonbrigði? Að ég hafi náð mér í Maltesers.
Núverandi skemmtun? Súkkulaðið sem ég er að borða.
Núverandi Msn manneskjur sem ég er að tala við? Hef ekki talað við neinn í dag á msn.
Núverandi hlutir á veggnum? Fimm málverk, hilla með litlum munum í, japönsk brúða og spegill með kerti.
Núverandi uppáhalds þáttur? You Are What You Eat, ég elska kellinguna hún er svo nastí við feita fólkið.

Smá pása....

... úr vinnunni. Var að klára að kenna og smá pása fram að deildarfundi:

Núverandi föt? Svartar buxur, svartar sokkabuxur, skærblár bolur, svört kennarapeysa yfir
Núverandi tími? 13:28
Núverandi skap? Ágætu skapi enda ágætur dagur.
Núverandi hár? Uppsett í hnakkanum með hárklemmu
Núverandi pirringur? Þarf á klóið og nenni því ekki.
Núverandi lykt? Eitthvað ilmvatn sem ég á og svo örugglega kennarasvitafýla.
Núverandi hlutur sem þú ættir að vera að gera? Undirbúa morgundaginn áður en ég fer á fund. Fara á klósettið.
Núverandi skartgripir? 3 hringir og úr
Núverandi bók? Furðulegt háttalag hunds um nótt.
Núverandi áhyggja? Launamál kennara.
Núverandi uppáhaldsleikari? áhmm þarf að finna mér einhvern.
Núverandi íþrótt? ropejóga. vantar samt svoldið kraftinn í það.
Núverandi löngun? að komast heim til að fara á klóið..
Núverandi tónlist? eitthvað lag á x-inu.
Núverandi ósk? að þurfa ekki á klóið (úffpúff)
Núverandi texti á heilanum? enginn.
Núverandi farði? maskari og púður. Púðrið reyndar örugglega löngu farið.
Núverandi undirföt? bara einhver týpísk GAP
Núverandi eftirsjá? Að hafa ekki drifið mig í meistaranám fyrir nokkrum árum síðan.
Núverandi áætlanir fyrir kvöldið? Rope jóga og svo bara að hugsa um haltrandi köttinn minn.
Núverandi blótyrði? Sjitt, djö*** og fokk.
Núverandi vonbrigði? skúringarkonan var að koma inn og sér mig blogga á vinnutíma
Núverandi skemmtun? Þetta hér
Núverandi Msn manneskjur sem ég er að tala við? Engar
Núverandi hlutir á veggnum? heilinn, hjartað, mænan, augað, sólkerfið, lotukerfið, íslenskar fuglategundir, flóra Íslands, íslenskir kúalitir, takið eftir merkjunum spjald og teikning sem stelpa í 7. bekk var að gefa mér ásamt lista með símanúmerum allra kennslustofanna.
Núverandi uppáhalds þáttur? CSI LasVegas.

Mér leiðist

Núverandi föt? Svartar buxur, svartur bolur
Núverandi tími? 22:09
Núverandi skap? Algjörlega æðislegt, enda nýbúin að panta mér far til útlanda.
Núverandi hár? Úfið
Núverandi pirringur? lætin í Rúnari, hann er uppi að spila við strákana
Núverandi lykt? engin, ég vona samt ekki svitalykt ;)
Núverandi hlutur sem þú ættir að vera að gera? Ég ætti kannski að vera að taka til eða skrappa í stað þess að hanga í tölvunni.
Núverandi skartgripir? Hringur og úr, ég var að sturta Geirmund og tók því af mér hina hringina og setti ekki á mig hálsmen í morgun, af því ég var heima með Geirmund,eins og ég er vön alla aðra daga.
Núverandi bók? bara krossgátublað, er mjög ódugleg að lesa því miður
Núverandi áhyggja? Línurnar
Núverandi uppáhaldsleikari? á engan sérstakan
Núverandi íþrótt? göngutúrar af og til, og er alveg að fara að fá mér kort í ræktinni, hljómar þetta ekki sannfærandi ? :)
Núverandi löngun? Eitthvað gott súkkúlaði og kók (en læt það samt ekki eftir mér)
Núverandi tónlist? Innilit útlit er nú reyndar ekki tónlist en það er það sem hljómar í eyrunum á mér
Núverandi ósk? hmm leyndó
Núverandi texti á heilanum? bara ekki neitt
Núverandi farði? Enginn
Núverandi undirföt? svört
Núverandi eftirsjá? Ég sé ekki eftir neinu í augnablikinu
Núverandi áætlanir fyrir kvöldið? Er að hugsa um að horfa á Desperate Housewives, þátt 4 í nýjustu seríunni.
Núverandi blótyrði? Ég blóta aldrei ;)
Núverandi vonbrigði? vigtin
Núverandi skemmtun? Ég er að reyna að skemmta sjálfri mér
Núverandi Msn manneskjur sem ég er að tala við? Var rétt áðan að tala við Kötlu vinkonu
Núverandi hlutir á veggnum? Hérna í stofunni eru tvær myndir, veggkertastjaki og gifsmót af höndum Geirmundar.
Núverandi uppáhalds þáttur? ER, Desperate Housewives og ATM

Jæja nú þið stelpur !!!!

Matarklúbbur- tilraun 110...

HVAÐ SEGJA ALLIR UM FIMMTUDAGINN NÆSTA!!! EÐA FÖSTUDAGINN!!!

Kveðja frá Selfossi

Hæ hæ allar
Sorry Sigurveig, ég er aðeins að taka fram fyrir hendurnar á þér. En bara svo allir sjái að þú ert að spá í matarklúbb á mánudaginn þá ákvað ég að vekja athygli á því hér uppi svo örugglega allir sjái þetta. Það eru nefnilega ekki allir sem kíkja á ,,gömul" blogg. Allavega var það bara tilviljun hjá mér.
En annars kemst ég alveg á mánudaginn. Ég er að fara á ráðstefnu í bænum allan daginn á mánudaginn svo það passar bara vel. Rúnar kæmi bara og við færum með Geirmund til mömmu, það er að segja ef hún vill og getur passað fyrir mig þá.
Sem betur fer var ekki matarklúbbur á fimmtudaginn, Geirmundur er búin að vera veikur alla vikuna og ég er heima núna, er aðeins búin að vera einn og hálfan dag í vinnunni þessa viku. Svo þetta er búið að vera hálf skrítin vika. Ég var á námskeiði líka einn hálfan dag svo þar fór hálfur dagur úr vinnu.
Á mánudaginn fórum við með Geirmund í heyrnarmælingu, af því hann er svo seinn í tali vildum við útiloka að það væri eitthvað að heyrninni hjá honum. Það var alveg svosem eins og mig grunaði, heyrnin á honum er alveg eðlileg. Hann er bara frekar seinn og við verðum bara að vera þolinmóð, þetta hlýtur að koma einn daginn. Reyndar finnst mér hann vera að taka framförum og sífellt að bæta við sig orðum og orðin mjög duglegur að syngja. Dagmamman sagði að hann syngi eiginlega meira en hann talar.
Vonandi gengur að hafa matarklúbb á mánudaginn
en allavega sjáumst við sem fyrst
bæjó Bryndís

Er þetta eitthvað fyrir ykkar mann?

Námskeið fyrir karla

Allir velkomnir, aðeins fyrir karla
Ath: námskeiðin eru flókin þannig að aðeins átta geta sótt hvert námskeið. Hvert námskeið tekur tvo daga og efnið er eftirfarandi:

Fyrri dagur
Hvernig á að fylla ísmolamót?Skref fyrir skref með glærusýningu

Klósettrúllur vaxa þær á klósettrúlluhaldaranum?
Hringborðsumræður

Munurinn á ruslafötum og gólfi
Æfingar með körfuefni -teikningar og módel-

Diskar og hnífapör: fer þetta sjálfkrafa í vaskinn eða uppþvottavélina?
Pallborðsumræður og nokkrir sérfræðingar

Að tapa getunni
Að missa fjarstýringuna til makans
-Stuðningshópar-

Læra að finna hluti
Byrja að leita á réttum stöðum í stað þess að snúa húsinu við gargandi
-Opin umræða-

Seinni dagur
Tómar mjólkurfernur: eiga þær að vera í ísskápnum eða í ruslinu
Hópvinna og hlutverkaleikir

Heilsuvakt: það er ekki hættulegt heilsunni að gefa henni blóm
PowerPoint kynning

Sannir karlmenn spyrja til vegar þegar þeir villast
Sönn saga frá manninum sem spurði til vegar

Er erfðafræðilega ómögulegt að sitja þegandi meðan hún leggur bíl?
Ökuhermir

Að búa með fullorðnum: Grundvallarmunur á því að búa með mömmu þinni og maka
Fyrirlestur og hlutverkaleikir

Hvernig á að fara með eiginkonunni í búðir
Slökunaræfingar, hugleiðsla og öndunartækni

Að muna mikilvægar dagsetningar og að hringja þegar þér seinkar
Komdu með dagatalið þitt í tímann

Að læra að lifa með því að hafa alltaf rangt fyrir sér
Einstaklingsráðgjöf og samtöl

Eina sem þarf er að commenta og karlinn þinn er kominn á biðlista fyrir næsta námskeið.


Varð bara að koma þessu að

kveðja Dögg

Dagarugl - - - - úbbs

Jæja, ég fokkaði upp öllum dagsetningum í kollinum á mér. Er víst að fara í vetrarfrí helgina eftir 3 vikur sem þýðir sumarbústaðaferð með vinnunni eftir tvær vikur. Þið þurfið ekkert að hlaupa á eftir mér varðandi dagsetningu á matarklúbbi eða pallapartý eða hvað sem okkur dettur í hug þar sem þetta klúður er algjörlega sjálfri mér að kenna (já.. synd að geta ekki kennt t.d. Bryndísi um eða bara Ástu... ) . Svo er ég líka dáldið svekkt yfir því hvað það lengdist tíminn að vetrarfríi sniff sniff.

Annars ætla ég bara að þakka Thelmu og Jóa fyrir flotta afmælisveislu í gær, júhú.

Kv. Ólöf

Syfjuð í vinnunni!!!!!!

Hæ Skvísur

Ég er hér í vinnunni alveg að morkna úr leiðindum. Ég held að það sé útaf því að við höfðum það bara alltof fínt um helgina. Við vorum að nýta okkur það að þessa helgi þarf ekki að vinna í pallinum því PALLURINN ER TILBÚINN. Loksins!!!!

Við fjárfestum í garðhúsgögnum í síðustu viku og notuðum tækifærið í sólinni um helgina að fá okkur kaffi út á palli. Einnig kom langþráð tækifæri til að hanga yfir sjónvarpinu við duttum ofan í einhver raunveruleikaþátt sem heitir The princes of Malibu og er bara frekar fyndinn. Fjallar um tvo ofdekraða náunga sem eiga að fara að sjá um sig sjálfir eftir að hafa verið í foreldrahúsum alla sína ævi og aldrei unnið handtak. Ég get alveg mælt með þessum þætti, hann er bara fyndinn.

Við keyptum okkur nokkur ljós og erum í óðaönn að útrýma rússunum á heimilinu og erum búin að taka vinnuherbergið í gegn, setja upp fleiri hillur og gera það aðeins fínna.

Nú er komið vöfflujárn á heimilið og svei mér þá ef við getum ekki bara farið að bjóða upp á vöfflur þegar fólk stoppar í kaffi. Þannig að ef einhverjum langar í bíltúr( eða göngutúr fyrir hina Selfyssingana) þá bjóðum við upp á pallaskoðun og vöfflur.


Kveðja Dögg

Jólakorta - föndur kvöld!!

Jæja hvað segið þið skvísur!! Á ekki að fara að byrja á jólakortunum?? Hvað segið þið um að hittast eitthvert kvöldið, eða daginn um helgi, og fara að byrja á jólakortunum?? Eða bara að föndra eitthvað allt annað en það.....eins og t.d. að skrappa, mála eða sauma út fyrir þær sem ætla ekki að gera jólakort í ár ;-) Endilega kommentið og látið vita ef það er einhver dagur betri en annar til að hittast og svoleiðis.

Hasta la vista babys.....hehehe :-)

Hittingar í vikunni - hitt kommentið orðið of langt!!!

Ásta ætlar að bjóða heim til sín í kvöld (miðvikudag), þannig að endilega kíkið á hana og ætlar hún að hafa eitthvað sörpræs handa þeim sem komast..... ;-)

Ohhh ég kemst ekki neitt út á kvöldin þessa vikuna vegna þess að Jói er í Portúgal og mamma á spítala (en kemur reyndar heim í dag, en verður á hækjum þannig að hún getur ekki passað). Og svo er tengdó að passa fyrir mig á daginn og er sjúklingur þannig að ég get ekki beðið hana um meira. En ég skal þá bjóða ykkur heim til mín næsta fimmtudagskvöld. Hvernig hljómar það??? Þeir koma sem komast ;-) Kannski að maður verði búin að baka eitthverja gómsæta köku fyrir kvöldið :-)

Júhúúúúú...

er einhver heimaaaaaaaa :o)
Sælar skvísur...er ekkert að frétta!!! Komið nú með eitthvað slúður. Hef því miður ekkert handa ykkur en það er þó einhver hreyfing á síðunni í staðinn. Það er eitt...ég er að reyna að búa til myndaalbúm...það gengur hægt en þetta fer að koma hehehe.

Hastala vista beibís ;o)

e.s. hvenær á svo partýið að vera á Selfossi!!!! ALLIR AÐ FARA AÐ SAFNA MYNTULAUFUM hehehe

DÖGG AFMÆLISBARN

Einn tveir og
Hún á afmæli í dag
Hún á afmæli í dag
Hún á afmæli hún Dö-ögg
Hún á afmælí dag

Hún er þrítug, ég meina 25 ára í dag... Ok, 29 ára eins og við hinar gömlu nema Bryndís.

TIL HAMINGJU MEÐ DAGINN KONA íhaaaa.

Carotenoids

Fannst thessi titill vid haefi thar sem haustid fer ad banka a dyr. Segid thid ekki annars allt gott? Eg segi allt fint en aetla ad hafa thetta blogg stutt.
Helstu frettir: Ruben komst inn i skolann (ef thid vitid thad nu ekki thegar), vid erum buin ad lata leigjandann vita og hann farinn ad leita ser ad nyrri ibud samkvaemt heimildum fra mommu. Vid keyptum okkur bordstofubord og litid bord, eins og thad komi malinu eitthvad vid.
Eg for i tveggja natta skolaferdalag i vikunni thar sem vid gistum fyrri nottina i Thorsmork og tha seinni i Holaskogi. Ferdin tokst bara nokkud vel og hogudu krakkarnir ser vel. Eg er reyndar daudthreytt eftir thessa ferd enda med bullandi kvef eftir thetta juhu. Tok nokkrar mjog svo flottar myndir i supermegaduber gonguferdunum okkar i Thorsmork. Thad var alveg otrulegt hvad krakkarnir letu sig hafa i labbinu, okkar helsta vandamal var lofthraeddur Danakennari sem var skridandi helminginn af gonguturunum okkar! Frekar furdulegt ad horfa upp a thad.
Hlutirnir eru semsagt loksins farnir ad ganga upp, jahuuuu.
Kv. Olof

Til hamingju með afmælið Ólöf :)

Hún á afmæli í dag,
hún á afmæli í dag,
hún á afmæli hún Ólöf
hún á afmæli í dag

vei, vei, húrra

innilega til hamingju með daginn elsku frænka :)

Lokapóstur fyrir ÚTLAGANN 2006

Ágætu Hákar.
Nú er stundin alveg að renna upp :o)
Við viljum endilega minna á nokkra hluti:

Regnföt (munið að það rignir ALLTAF í okkar ferðum)
Sundföt
Fínni föt (eins og þið væruð að fara í partý)
Make-up fyrir okkur stelpurnar
Hnéhlífar
MYNDAVÉL (Má alls ekki gleymast)
Handklæði
Sjampó
Farsíma
Eldspítur
Jójó
Bland í poka fyrir 100 kr
Spilastokk ( einn per lið, þannig að liðstjórarnir mæta með hann)
PUMPA

Einnig viljum við enn og aftur ítreka mætingartímann...hann er 9:00.
Mætingarstaður er Asparhvarf 17d, neðri hæð híhíhí ;o)

Tillögur að fatnaði yfir daginn gæti verið joggarinn eða einhver þægileg föt sem mega lenda í hverju sem er.

Mælumst til að liðsstjórar verði búnir að fylla bílana af hinu ofuródýra eldsneyti, bensíni, áður en lagt er í'ann. Bensínpeningar bíða ykkar svo í Asparhvarfinu :o)

Jói og Elsa...þið verðið látin vita þegar þið megið taka ykkur pásu frá hinni ofurströngu dagskrá.

Með von um að allir skemmti sér vel, sama hvernig viðrar og hversu marga tómata og orma þarf að borða :o)

Ykkar Sigurveig og Dögg

Fleiri útlagamál

Nú fer alveg að koma að þessu

Í kvöld verður birtur endalegur listi með upplýsingum um hvar á að mæta og með hvað. Ég ítreka enn og aftur mæting kl 09 hjá Sigurveigu. Þetta er allt skipulagt á tíma og er þetta nokkuð þétt prógramm og mjög mikilvægt að allir séu mættir á rétum tíma. Ekki 10 eða 15 mínútum yfir níu helst 5-10 mínútum í. Þannig að við verðum ekki að sleppa einhverju vegna seinagangs. Síðast gekk mjög vel að halda tímamörkin, við stefnum á það aftur núna.

Þeir sem alltaf eru seinir( og þið vitið hverjir þið eruð) eru sérstaklega beðnir um að taka þetta til sín ÞIÐ HAFIÐ EKKI ÓTAKMARKAÐANN TÍMA vakna 30 mínútum fyrr en þið haldið að þið þurfið. Ekki hafa áhyggjur af Sigurveigu ég skal vekja hana !!!!!!!!

kveðja Dögg

Útlaginn 2006

Sælt veri fólkið :o)
Ég vil bæta einu á listann sem þið verðið...ég endurtek VERÐIÐ að taka með ykkur en það er pumpa. PUMPA. Það er nóg að hafa eina pumpu á hvern bíl. En ef þið hafið hana ekki meðferðis þá eruð þið í LJÓTUM MÁLUM hehehehehe ;o)

Kærlig hilsen, jors trúlí ....

Innilega til hamingju með afmælið í dag Thelma!!!

Hafðu það rosalega gott í dag í góða veðrinu :)

Kveðja,
Elsa og fjölskylda

Verðið komið

Sæl öll

Nú er komið endanlegt verð fyrir Útlagann 2006. Verðið er 900 kr dýrara en síðast en þá var ekki tekið inn í bensínpeningur sem mér skilst að hafi ekkert gengið að innheimta og er því settur inn í verð núna.

Verðið er 6500 kr per mann og inn í því er falið hádegis og kvöldamtur auk skemmtunar.

Jói þú verður að gefa mér upp klukkan hvað þú þarft að vera mættur í vinnuna og hvenær þú getur losnað úr vinnunni svo ég geti búið til sér verð fyrir þig. Elsa við gerum bara ráð fyrir því að þú takir þátt í öllu fjörinu.

Sendið mér sms til að fá gefið upp bankanr og kennitölu.

OK let the fun begin

Kveðja Dögg

Enn ekkikomið verð!!!

Sæl öll

Þið verðið að afsaka hvað þetta gengur hægt. Ég reyni að hafa samband við þá sem þarf að tala við í gegnum tölvupóst en fólk er svolítið tregt til að svara og þess vegna tekur þetta svona langan tíma. En á morgun mun ég setjast við símann og ekki linna látum fyrr en endanlegt verð er komið... og hanannú

Kveðja Dögg

Eru ekki allir í stuði?

Jæja nú fer að líða að Útlaganum

Prógrammið er að taka á sig nokkuð góða mynd. Það hafa komið upp nokkrir hnökrar og við höfum reynt að skipuleggja þetta með þarfir flestra í huga. Endanlegt verð er ekki ennþá komið á hreint en ég vonast til að geta birt það annað kvöld.

Þið þurfið að taka með ykkur nokkra hluti og til þess að gefa ykkur svigrúm til að viða þessu saman þá kemur hér listinn:

Regnföt (munið að það rignir ALLTAF í okkar ferðum)
Sundföt
Fínni föt (eins og þið væruð að fara í partý)
Make-up fyrir okkur stelpurnar
Hnéhlífar
MYNDAVÉL (Má alls ekki geymast)
Handklæði
Sjampó
Farsíma
Eldspítur
Jójó
Bland í poka fyrir 100 kr
Spilastokk ( einn per lið, þannig að liðstjórarnir mæta með hann)


Það vantar eitthvað á listann en Sigurveig mun þá bæta ínn í ef þarf. Svo þarf góða skapið og slatta af þolinmæði einnig að vera með í för. Ásta ætlarðu ekki bara að mæta??

Kveðja Dögg

Útlaginn 2006-framhald

Hæ öll

Bara að minna á að taka frá 19 ágúst fyrir óvissuferðina. Prógramm byrjar kl 09 stundvíslega um morguninn og stendur allan daginn og klárast á menningarnótt um kvöldið.

VIð munum birta verð fyrir ferðina um næstu helgi og rukka áður en lagt er af stað. Bensínkostnaður verður innifalinn í verði.

Frekari fréttir síðar

Dögg og Sigurveig

T.skyldan

Sælar. Þar sem að flestir eru í útilegu eða á leiðinni í útilegu nema ég þá kemir smá pistill frá mér. Lífið gengur sinn vanagang, allt voðalega rólegt og næs. Stundum pínku boring þegar ég er ein en það líður hjá. Búið að vera frekar heitt undanfarið og í tilefni af því skelltum við okkur á ströndina í gær. Vorum þar í þrjá klukkutíma í glampandi sól og hita og volgum sjó að hoppa í öldunum. Semsagt æði. Um síðustu helgi fórum við í skemmtigarð og prófaði ég svona ekta gamaldags rússibana sem er haldið uppi af hvítum spítum. Rússibaninn kom mjög á óvart, fór leifturhratt og ég get svo svarið það að stundum féll hann lóðrétt niður og ég get svo svarið það að hröðunin var meiri en 9.8m/s2 (ha ha smá aulahúmor)! Ekki smá gaman. Á morgun erum við að fara í barnaafmæli hjá systur hans Ruben, Jullie. Á laugardaginn erum við svo víst að fara á eitthvað standup comedian dæmi. Eftir viku eru síðan tónleikar með The yeah yeah yeah´s og auðvitað ætlum við að fara. Það skemmir ekki að þetta eru ókeypis útitónleikar og þó svo að það rigni eldi og brennisteini þá mun ég standa þarna með fallegu regnhlífina mína (sem er búin að koma að góðum notum í sumar í eftirmiðdagsþrumuveðrunum).
Nú styttist síðan óðum í að ég komi heim, bara ein og hálf vika eftir. Ruben kemur með mér og svo er bara spurning hvort hann fari aftur til Boston eður ei. Frekar óþægilegt að vita ekkert en það er svona þegar að manneskjan sem stjórnar þessu er búin að vera endalaust í sumarfríi og er víst bara nýkomin til baka (í fyrradag eða álíka).
Kærar kveðjur héðan frá Boston.

Tilkynningarskylda....

Jæja ágætu Háksmeðlimir. Þar sem það er tilkynningarskylda þá er best að láta ykkur vita að við Óli og að sjálfsögðu hún Heiða Björg erum að fara á rúntinn núna á eftir og ætlum að fara hringinn :o) Erum komin með þetta HUGE stóra tjald og ég er að segja ykkur að tjaldið hennar Thelmu fellur í skuggan af því. Mér finnst það full stórt bara fyrir okkur þrjú en þetta var það eina sem var í boði :os Ferðalagið verður samt fínt þrátt fyrir stærðina hehehehe. Það er nú varla að maður tími að fara inn í bíl núna þar sem það er svo gott veður en við ætlum víst að elta góða veðrið :o)
Jæja kæru vinir....þá er minni tilkynningarskyldu lokið og kem ég með aðra einhvern tímann seinna.

Kærlig hilsen

Tilkynningarskyldan

Halló hópur

Ég hef fulla og örugga trú um að allar tilkynningar um allt sem er að gerast í lífi Háksmeðlima eigi að birtast hér. Soooo here goes:

Við höfum á kveðið að gifta okkur. Hringar voru settir upp við mjög svo látlausa athöfn á Rauða Húsinu á Eyrabakka í dag. Við höfum þegar ákveðið daginn 12 Maí næstkomandi sem er laugardagur aðra helgina í Maí.

Brúðkaupsdagurinn var valinn með marga þætti í huga, mátti ekki vera um sumar vegna vinnu foreldra okkar. Mátti ekki vera um haustið því þá væri það of nálægt brúðkaupi Thelmu og Jóa. Mátti ekki dragast of lengi því þá væru svo margir af vinum okkar farnir erlendis í sérnám.

Já þannig er nú það, nú má fara að merkja daginn inn á dagatalið. Svei mér þá...

Kveðja úr sveitinni
Dögg og Grímur

Afmælisboð - TAKA 2!!!

Jæja þá erum við búin að ákveða að halda upp á 1 árs afmæli litla lasarusarins næstkomandi sunnudag (30.júlí) kl. 15:00 heima hjá okkur. Vonumst til að sjá sem flesta háksmeðlimi, maka og börn :-) Endilega látið okkur vita hvort þið komist eða ekki.

Kveðja Thelma og co.

Jeijjjjjjjjjjjjjjjjjjjjj

Ég á bara ekki til aukatekið orð. Ég er búin að rembast við það að komast inn á þetta blogg...en ég mundi bara ekki leyniorðið...hvorki það sem ég á eða okkar...þannig að á endanum gafst ég upp og fékk allar upplýsingar hjá Dögg.
Ég var að spá í...ef það verður gott veður þann 29 þessa mánaðar hvort við ættum ekki að skella okkur í Furulund...eða eitthvað lund í Kópavogi og grilla og hafa gaman. Hjördís (systir hans Óla) sá þennan stað um daginn og fór með krakkana á leikjanámskeiðinu þangað...rosa fín aðstaða fyrir börn og fullorðna :o)
Getum fengið okkur góðan hádegismat í góða veðrinu sem verður 29 júlí...Úpsíbúbsí... kannski er afmælið hennar Söru þennan dag. Við gætum líka haft þetta á sunnudeginum eða föstudeginum ef afmælið hennar Söru á laugardeginum. En bara svona svo þið séuð í gírnum...ef það verður gott veður frá 27-30 júlí þá getum við skellt okkur þangað :o)

Over and out...Sigurveig

Afmælisboð!!!

Jæja þá er litla daman að verða 1 árs og í tilefni dagsins ætlum við að bjóða ykkur háksmeðlimum, mökum og börnum í afmælisveislu næstkomandi laugardag (15.júlí) klukkan 15:00. Endilega látið mig vita hvort þið komist eða ekki. Hlakka til að sjá ykkur.

ps. hverjar komast svo í saumó til mín annað kvöld (11.júlí)?? Ólöf er að fara af landi brott aftur og ég er karlalaus þetta kvöld og finnst mér alveg tilvalið að hittast aðeins og kveðja dömuna aftur :-)

Kveðja Thelma og co.

Ég hef eiginlega ekkert að segja

En ég er á Heilsugæslunni að bíða eftir sjúklingi og ætla því að reyna að finna eitthvað áhugavert að segja.

HMMmmmm nú er farið að hylla undir pallabyggingu við Tjaldhólana. Við Grímur fórum í heimsókn til nágrannanna í gær og ræddum pallasmíði. Þau eru einmitt að fara að byrja á sínum palli. þetta er indælis fólk á miðjum aldri og ætla þau að gera svipað stóran pall við sitt hús. Hreyfðu að minnsta kosti engum mótmælum. Vegna veikinda hjá hinum háksmeðlimunum í götunni verður væntanlega ekki byrjað fyrr en eftir helgi en vonandi verður hann þá fljótur að rísa.

Við erum að safna á fullu fyrir lokagreiðslunni sem við borgum 1 ágúst og getum ekki beðið með að vera búin að klára þetta. Þá getur maður kannski farið að safna fyrir einhverju öðru eins og til dæmis húsgögnum í allt þetta rými. Það var mjög fyndið að koma inn til nágrannanna í gær og sjá hvernig stofan liti út með nóg af húsgögnum.

Ég er núna alveg búin að klára skrapp brúðkaupsalbúmin fyrir Elsu og Ólöfu og meira að segja búin að binda þau inn. Ég er þá að fara að byrja á nýju albúmi en get ekki alveg ákveðið á hvaða verkefni ég á að byrja. Nóg á ég af myndum. Ef einhver hefur góða tillögu endilega láta hana flakka. Valið stendur á milli 1) árin í læknadeildinni 2) vinahópurinn og það sem við tökum okkur fyrir hendur 3) Fjölskyldan (ættaralbúm, en mig vantar en slatta af myndum í það) 4) USA ferð 5) Barceolona ferð 6) Gautaborgarferð og endilega komið með fleiri tillögur.

Jónas bróðir bíður enn eftir dóttur nr 2 sem fæðist á næstu dögum.

Allar fréttir búnar sorrý

kveðja Dögg

Hvað varð um "útlendingana" okkar???

Hæ stúlkur, hafið þið eitthvað heyrt frá "útlendingunum" okkar, þeim Ólöfu og Ástu??? Veit reyndar að Ásta er ekki með netsamband eins og er og er komin með vinnu.....til hamingju með það Ásta :-) En Ólöf!! Ertu með gsm símann með þér úti eða bara ertu ekki með netsamband??? Er hægt að senda sms á Ruben til að koma til þín skilaboðum, eða er hægt að senda þér skilaboð í símann þinn?? Er nefnilega búin að senda þér nokkur skilaboð á sms en aldrei fengið svar......hummmm :-( Endilega ef þið hinar hafið "heyrt" í þeim komið með slúðrið ;-)

Annars er ég heima næstu tvær vikurnar vegna þess að ég fór í aðgerð á ökkla síðasta föstudag og er að jafna mig eftir hana. Dóttir dagmömmunnar er svo yndisleg og ætlar hún að koma með Söru Daggrós heim á daginn og sækja hann Rúnar Örn í leiðinni á leikskólann og koma með hann heim. Hún ætlar að gera þetta út þessa vikuna, en þá ætti ég vonandi að fara að geta gengið og sótt börnin í næstu viku sjálf.

Jæja ætla ekki að hafa þetta lengra í bili, endilega komið með fréttir af ykkur.

Afmælisboð !!

Halló allir vinir mínir í Háki

Ég ætla að bjóða ykkur í afmælið mitt á sunnudaginn 18. júní klukkan þrjú. Ég vona að sem flestir komist og hlakka ég mikið til að sjá ykkur því það verður mikið fjör.
Sjáumst hress og kát
kveðja Geirmundur Viðar 2 ára

Útlaginn 2006

Skipulagsnefnd Háks kynnir með stolti, óvissuferð sumarsins: Útlaginn 2006. Ferðin verður haldin laugardaginn 19 ágúst sem er sami dagur og menningarnótt er. Skipulagt prógramm hefst stundvíslega kl 09. Sami háttur verður á og síðast. Háksmeðlimum verður skipt í tvö lið og í ár verður keppnisandinn efldur til muna og verða verlaun í boði fyrir það lið sem vinnur keppnina.

Við hvetjum alla til að taka daginn frá, og tryggja barnapössun svo næg þáttaka fáist.

Kveðja Sigurveig og Dögg

Eva Rós...

... var það, heillin. Alveg einstaklega fallegt nafn á alveg einstaklega fallegt barn (enda fædd inn í Háksfjölskylduna). Til hamingju með skírnina á frumburðinum, kæru foreldrar.

Matarklúbbur á föstudaginn

Jæja þá er komið að matarklúbbi hjá okkur Grími. Ég var með stór og mikil plön um að hafa aftur svona leikritaklúbb. Málið er svo að það er búið að vera brjálað að gera hjá okkur báðum; ný vinna, nýr bíll, nýtt heimili og nýr lífstíll sem þarf að aðlagast og við bara sjáum ekki að við eigum eftir að hafa tíma eða orku til að skipuleggja það. En til að halda matarklúbbs hefðinni gangandi þá ætlum við að bjóða ykkur öllum í mat á föstudagskvöldið kl 19. Kúbburinn verður með hefðbundnu sniði og um leið og við erum farin að aðlagast nýja lífinu okkar munum við finna orku til að hafa leikritaklúbb aftur.

Eru einhverjar hugmyndir um mat?
Hverjir mæta?

Kveðja Dögg

SIGURVEIG

Til hamingju með afmælið kona.
Og auðvitað kosningar, það tilheyrir :)
Sigurveig, þú verður einhvern tímann að bjóða þig fram og þá munu allir kjósa þig því þú átt afmæli :)

Vona að dagurinn í dag verði frábær í alla staði.

Hip hip húrraaaa hip hip húrraaaaa hip hip húrraaaaaaaaaaaaa

Hæ hó

Hvað segið þið gott? Það er allt mjög gott að frétta af mér. Búin með 8 daga vinnuviku þar sem var unnið frá morgni til kvölds og er samt bara ágætlega fersk. Ég þarf samt að trappa mig aðeins niður því eftir svona törn þá finnst mér mjög erfitt að sitja og gera ekki neitt. Finnst eins og ég eigi að vera að skipuleggja eitthvað eða fara eitthvað og sérstaklega vera innan um fólk. Þetta er alltaf svona.
En annars, úr einu í annað. Ég er orðin svolítið rugluð á dagsetningum.. Er búin að taka frá 4. júní fyrir skírn. Er ekki búin að taka frá kvöld fyrir matarklúbb þar sem það virðist ekki vera búið að negla niður nákvæma dagsetningu. Er það 2. eða 27.? Mér er nokk sama, væri alveg til í 27. maí þar sem það er styttra í þann dag. Gætum við ekki bara hitt þá Thelmu og Jóa niðrí bæ eða eitthvað?? Á djamminu? Nóttin er ung og við líka. Verður þetta kannski djamm eða ekki? Ég veit ekkert hvað er í gangi. Sorrí. Reyndar djömmum við aldrei þegar við ætlum að gera það en það er önnur saga. En annars er mér alveg sama um dagsetninguna.
Einnig var ég að velta því fyrir mér hvort við gætum hist allar stelpurnar saman áður en ég fer út eftir 3 vikur. Borðað saman einhvers staðar úti eða eitthvað. Hvað segið þið um það? Því svo sé ég ykkur ekkert í 2 mánuði nema kannski þegar ég kem í örfáa daga í júlí!
Jæja, búið og bless.

Eurovision"partý"!!

Hæ hæ hvernig líst ykkur á að koma heim til okkar næsta fimmtudag og styðja hana Silvíu Nótt?? Allavega verðum við heima ef þið hafið áhuga á að kíkja í smá "fimmtudags - eurovisionpartý" :-) Endilega látið mig vita ef áhugi er fyrir hendi að hittast aðeins og hafa gaman. Það er nefnilega svo langt síðan að við hittumst síðast og mér finnst alveg vera kominn tími á einn svona skyndihitting ;-)

Hvernig var það svo Dögg. Hvernær ætlið þið að hafa matarklúbbinn ykkar? Við erum akkúrat í brúðkaupi 27.maí (laugardagur) og því upptekin þá, en annars ættum við að komast alla hina dagana svo lengi sem við fáum pössun fyrir börnin :-) Bara gott að hafa smá fyrirvara, þá eru meiri líkur á að við fáum pössun :-D

For fanden man

Jæja, þá er að koma að þessu. Á morgun um þetta leytið þá verð ég löngu lent með alla gríslingana á eftir mér. Eins gott að þau hagi sér vel. Verst að við sem förum út erum nær öll reynslulaus í svona ferðum... Aðeins einn sem fór út í fyrra! Þetta verður því eitthvað mikið stress sjitt sjitt sjitt.
Held ég fari bara að klára að pakka og skella mér í dönskugírinn. Det er sgu Köbenhavn i morgen, jah Lars. Nu skal vi i biffen og gå en tur sammen i skoven. Måske vi spiser en burger sammen på Ströget og Tivoli. Já já, nú er þetta bara komið í vitleysu. Stress.
Bið að heilsa.
'olöf birna

Hvað er að frétta?

Hvað er að frétta af íbúðarmálum Sigurveig?

Af Danmerkur undirbúningi Ólöf?

Af litlu skvísunni Elsa?

Af atvinnu málum og Íslandsför Ásta?

Af dagmömmu aðlögun og familíunnu Thelma?

Af húsaframkvæmdum og deildarstjóravinnunni Bryndís?

Bara svona að forvitnast

kveðja Dögg

Til hamingju með afmælið

Hún á afmæli í dag
Hún á afmæli í dag
Hún á afmæli hún Bryndís
Hún á afmæli í dag

Til hamingju með daginn, vonandi var gott að borða á fjöruborðinu í gær..

Koss og knús
Dögg

Jóóó

Langar einhverjum á Manchester tónleikana?? Ásta? Þú er nú Breti. Þú verður kannski farin til Lundúna aftur :/
VOnandi svarar einhver (þó svo að svarið sé nei). Síðast kommentaði enginn nema ég (á mitt eigið innlegg)!! Ég hef á tilfinningunni að ég sé orðin svona second class í hópnum. Haldinn matarklúbbur þremur dögum áður en ég kem heim og svona... (ég er að reyna að troða inn samviskubiti svo einhver fái svona pittýþörf og aumki sig yfir mig og skelli sér á tónleikana). Langar engum að sjá Badly drawn boy?

Sumarmatarklúbbur

Hvernig líst ykkur á að Hákur fagni sumarkomunni saman á Selfossi og við höfum matarklúbbinn þá bara seinnipartinn á fimmtudaginn. Það kemur líklega bara best út að halda hann þá, svo sem flestir komist. Við ætlum að hafa matinn bara um fimmleytið. Ég vona bara að ég sjái ykkur öll og hlakka mikið þess ;)
Hæ hó og jibbý jei og jibbý og jei það er að koma sumardagurinn fyrsti. :)
Bæjó Bryndís
P.S. ef einhverjir haf áhuga á að taka daginn snemma á Selfossi þá verður örugglega eitthvað um að vera hér skrúðgöngur eða eitthvað fyrir börnin. Þetta er svona fjölskyldudagur og því verður þetta einnig barnvænn matarklúbbur.

Matarklúbbur, komin tími til...

Hæ hæ og Gleðilega páska !!!
Þetta er kannski pínu stuttur fyrirvari en við vorum að spá í að drífa í að halda matarklúbb sem átti að vera búin fyrir löngu síðan. Ef allir komast á miðvikudagskvöldið núna í þessari viku. Þá er Sumardagurinn fyrsti daginn eftir og frí hjá okkur flestum. Hvað segið þið um þetta ??? Ólöf verður þú svekkt, við höldum bara einkamatarklúbb fyrir þig þegar þú kemur :)
Endilega commentið og látið vita hvort þið komist.
kveðja Bryndís og Rúnar

Fyrstu dagarnir

Sæl öll og takk fyrir alla hjálpina um helgina. Við höfum það afskaplega gott í Tjaldhólunum. Erum búin að þrífa að mestu og öll stærri húsgögn komin á sinn stað en ennþá slatti af kössum sem bíður. Þvottavélin er tengd, uppþvottavélin að mestu og ískápurinn farinn að virka. Eldavélin er ekki enn komin í gagnið en það kom ekki að sök í gær því fjölskylda Gríms kom í heimsókn með kvöldamtinn með sér. Það eru allir velkomnir í heimsókn. Síminn okkar er enn ekki tengdur en við notum gemsana. Látið í ykkur heyra...

Kveðja Dögg og Grímur

Samþykkt!!!!!!

Jibbí

Við fengum samþykkt hjá bankanum í dag og skrifuðum undir skuldabréfið. Því var svo skilað á fasteignasöluna og á morgun kl 14 skrifum við undir kaupsamning og fáum lyklana af húsinu.....

Svo nú erum við að fara að pakka

Vei vei vei

Dögg og Grímur

Af frekari íbúðarmálum

Hæ
þó enn sé ekkert komið á hreint í okkar málum finn ég mig knúna til að blogga svolítið um húsnæðismál okkar. Málið er svo við erum búin að gera tilboð í raðhús á Selfossi. Hvorki meira né minna í götunni hjá Bryndísi og Rúnari. Húsið er 156 fm með bílskúr og alveg nýtt. Fullbúið með gólfefnum og flestum ljósum. Við fengum gagntilboð sem við samþykktum. Við erum að bíða eftir greiðslumati en höfum fengið mjög jákvæð viðbrögð frá bankanum.

Við skiluðum inn greiðslumati á fimmtudag, áttum að fá svör á föstudag en í síðasta lagi í dag. Á föstudag var þjónustufulltrúinn okkar veik og við gátum engin svör fengið. Í dag var hún enn veik en annar þjónustufulltrúi tók að sér að athuga þetta. Kl 15 var hringt í okkur og sagt að vegna flutninga á fasteignamatsþjónustunni og þess að faxtækið var ekki tengt var beiðnin ekki komin til þeirra. Við þurftum að bruna í bankann og keyra með pappírana á sinn stað og enn bíðum við eftir svari....

Arrrggggg

Við erum að verða vitlaus á þessu. Húsið verður afhennt við kaupsamning og við ætlum að flytja inn sem fyrst og við þorum ekki einu sinni að pakka niður fyrr en þetta liggur fyrir. Sem sé sjötti dagur í bið...Er einhver með reynslusögur af svona ástandi.

Kveðja Dögg

Af frekari íbúðarmálum

Hæ
þó enn sé ekkert komið á hreint í okkar málum finn ég mig knúna til að blogga svolítið um húsnæðismál okkar. Málið er svo við erum búin að gera tilboð í raðhús á Selfossi. Hvorki meira né minna í götunni hjá Bryndísi og Rúnari. Húsið er 156 fm með bílskúr og alveg nýtt. Fullbúið með gólfefnum og flestum ljósum. Við fengum gagntilboð sem við samþykktum. Við erum að bíða eftir greiðslumati en höfum fengið mjög jákvæð viðbrögð frá bankanum.

Við skiluðum inn greiðslumati á fimmtudag, áttum að fá svör á föstudag en í síðasta lagi í dag. Á föstudag var þjónustufulltrúinn okkar veik og við gátum engin svör fengið. Í dag var hún enn veik en annar þjónustufulltrúi tók að sér að athuga þetta. Kl 15 var hringt í okkur og sagt að vegna flutninga á fasteignamatsþjónustunni og þess að faxtækið var ekki tengt var beiðnin ekki komin til þeirra. Við þurftum að bruna í bankann og keyra með pappírana á sinn stað og enn bíðum við eftir svari....

Arrrggggg

Við erum að verða vitlaus á þessu. Húsið verður afhennt við kaupsamning og við ætlum að flytja inn sem fyrst og við þorum ekki einu sinni að pakka niður fyrr en þetta liggur fyrir. Sem sé sjötti dagur í bið...Er einhver með reynslusögur af svona ástandi.

Kveðja Dögg

Skamm, skamm

Halló stelpur

Það hefur verið með eindæmum dræm traffík hérna inni undanfarna daga og vikur. Væri mjög skiljanlegt ef ekkert væri að gerast en.... Mér hefur borist til augna stórfrétt frá einu parinu í vinahópnum við að skoða barnalands síður áðan. Hvernig stendur á því að viðkomandi par hefur ekki þótt ástæða til að tilkynna fasteignakaup... Haaa

Sigurveig og Óli, skamm skamm skamm

Á þessum bænum hafa verið þreyfingar í fasteignamálum en ekkert er orðið pottþétt og því ekkert farið að tilkynna ennþá. En það verður fyrsta verk ef samningar nást. Svo Sigurveig og Óli við viljum smáatriði og það strax!!!!

Kveðja Dögg

Ástapásta

Hey pásta. Hvenær má ég kíkja á þig áður en ég fer út til Boston? Ertu ekki að koma á þriðjudaginn eða miðvikudaginn (nenni ekki að kíkja á kommentin, sorrí).

Loksins, loksins, loksins

....er Vesturbergið selt. Við seldum það í morgun. Við fengum reyndar ekki það sem við vildum fyrir það en við losnuðum allavega við það. Ég get ekki líst því hvað ég er ánægð með þetta og ég varð bara að deila þessu með ykkur, þar sem þið eruð nú mínar bestustu vinkonur í heimi :) Svo þá er verkefni næstu helgar bara að rumpa þrifunum af og tæma kompuna, á milli þess sem við förum í barnaafmæli og keilu. Ég hélt barasta að við ætluðum ekkert að losna við þessa íbúð og nennti ómögulega að fara að standa í því að fara að leigja hana út.
En annars er allt bara ágætt að frétta héðan frá Selfossi nema það að Geirmundur er svo kvefaður að ég hef bara aldrei vitað annað eins. Ég vona nú að það fari að lagast. Ég fékk heimsókn í gær og er ég alltaf glöð þegar einhver nennir að keyra hingað til mín. Það var hún systir mín sem kom og fengum við okkur að borða saman og kjöftuðum og var það voða notalegt kvöld. Jæja ég segi þetta gott núna, Ólöf góða skemmtun á árshátíðinni og ég vona að þú fáir einhvern kjól lánaðan (kíkið á færsluna fyrir neðan)
kveðja Bryndís

Hjælp

Ég er í smá vandræðum og ætlaði að athugaði hvort þið gætuð reddað mér. Mig vantar nefnilega kjól fyrir árshátíð og ég tími ekki að kaupa mér nýjan. Keypti mér kjól í fyrra, notaði hann á árshátíðinni þá og hef ekki farið í hann síðan og veit að það sama mun gerast ef ég kaupi nýjan fyrri þessa árshtaítaðoi. (nenni ekki að skrifa sama orðið aftur.) Því grátbið ég ykkur og mér þykir líka voða vænt um ykkur allar og þið eruð bestu vinkonur mínar.
Kv.

Ólöf

Letikvöld

Hallúúú

How u doin (joey rödd)!!!!
Alveg ótrúlegt framkvæmdarleysi í Barðavoginum. Við sitjum hér á föstudagskvöldi og borðum popp og reynum að finna eitthvað til að horfa á í sjónvarpinu. Við erum með hátt í 70 sjónvarpsstöðvar en samt er ekkert í imbanum. Þetta er mjög skrítið.

Við erum búin að eyða vikunni á rúntinum á nýja bílnum okkar. Forðumst öll helstu bílastæði sem líkleg eru til að vera þétt setin til að fyrirbyggja hugsanlegar, mögulegar, væntanlegar og ómögulegar skemmdir á bílnum. Einnig höfum við forðast helstu umferðaræðar og framkvæmdir á höfuðborgarsvæðinu, sem og hraðahindranir og umferðarljós (aftanákeyrslur). Eiginlega höfum við bara setið í bílnum á bílastæðinu fyrir framan húsið og sett hann af og til í gang...og passað að corsan sé alltaf parkeruð fyrir framan nýja bílinn til að enginn geti óvart keyrt á hann og beðið pabba um að hafa sinn bíl alltaf fyrir aftan nýja bílinn svo enginn keyri óvart aftan á hann. Því höfum við ferðast fótgangandi og á hjólum alla vikuna. Við þurfum eiginlega að fá okkur þriðja bílinn til að nota í snatt, vitið þið um einhvern bíl sem er til sölu? :-)

En hvað hafið þið verið að gera?

Kveðja Dögg og Grímur

Elsa og Fjalar eignuðust stelpu í dag ;-)

Innilega til hamingju með dömuna Elsa og Fjalar! Gott að þurfa ekki að bíða eftir henni, enda verður þetta stilltasta barn ever.....er það ekki annars?? ;-) Ég sem var viss um að þetta yrði strákur, en alltaf gaman að bæta við stelpum í hópinn :-) Þannig að núna eru tveir strákar og þrjár stelpur í vinahópnum, þannig að næsta barn verður að vera strákur til að jafna töluna.... Enn og aftur til hamingju með dömuna.

Erum við ekki að fara að föndra á miðvikudaginn?

Hallúúú


Nú eru 3 dagar þar til við fáum nýja bílinn okkar. Því miður er ég að fara á vakt skömmu eftir að við fáum hann afhenntan svo ég mun ekki vera að rúnta á fimmtudagskvöldið...snuff

Ennnnnnn.... ætluðum við ekki að hittast heima hjá Thelmu á miðvikudaginn á meðan karlpeningurinn horfir á meistardeildina í fótbolta (að ég skuli vita þetta). Hvenær er mæting? Sigurveig, ætlar þú að mæta með pappírana þína þrjá og skrappa með okkur? Elsa, munt þú koma, nú fer þig að bráðvanta áhugamál til að sinna meðan rólega barnið þitt sefur, skrapp er tilvalið... Bryndís, skutlaðu stráknum til ömmu og komdu að skrappa með okkur. Ásta tekurðu ekki bara hopp yfir til Íslands fyrir föndrið.

Hvenær er mæting? Á ég að koma með eitthvað?

kveðja Dögg

*GEISP*

Góðan daginn.
Í dag er fyrsti dagurinn í vetrarfríinu mína :) Ég þarf ekki að mæta í vinnuna fyrr en á miðvikudaginn sem er starfsdagur þannig að við erum laus við krakkana. Sé fram á ljúfa og þægilega daga í stuttri vinnuviku. Ekki slæmt. Litla fríið mitt byrjaði samt ekki vel. Eftir átolympíuskautastund með Thelmu (við vorum báðar án maka í gær) sá ég rúmið mitt í hyllingum. Kom heim og viti menn, sofnaði ekki fyrr en hálf fimm :(((( Fólkið uppi var einhvers staðar í burtu þannig að 19 ára dóttir þeirra ákvað að halda partý og örugglega rústað íbúðinni temmilega í leiðinni. Dísis, brjálað drumnbass, gól, öskur, hurðaskellir, hælaháaskótramp, r'n'b, fólk að hrynja í gólfið, fólk að hrópa og hvetja hvort annað í drykkjuleik, örugglega 10 manns að þykjast að gera það í herberginu fyrir ofan mig (mjög háværar stunur (öskur?) og brjáluð hlátrasköll í kjölfarið). Meiri hurðaskellir, meira fólk að hrynja í gólfið osfrv osfrv. Krummi að farast úr stressi, pabbi ekki í góðu skapi, ég ekki í góðu skapi. Þetta var semsagt skemmtileg nótt og góð byrjun á fríi :) 5 klukkutíma svefn!
Segið þið ekki annars gott? Allt í fína út í London, Ásta?? Einhverjar fréttir?? Hvað er í gangi í hnakkabænum (Selfoss) ? Nóg að gera í vinnunni, Dögg? Allt á fullu í Garðabænum, Sigurveig? Búin að skrappa,Thelma? Óléttan að klárast, ELsa?
6 vikur í Boston :)
Kv.
ólöf

Matarklúbbur næsta laugardag.....

....HVERNÆR ER MÆTING ELSA??? Bara að spugulera út af pössun ;-)

Hvað er annars að frétta af ykkur girls? Af okkur er bara allt gott að frétta. Nú er hún Sara Daggrós loksins orðin frísk og er hún farin að vera mjög hreyfanleg á gólfinu þó svo að hún sé nú ekki enn farin að skríða....sem betur fer segi ég nú bara vegna þess að þetta er mikil tætirófa!! Annars fórum við með börnin í myndatöku í gær hjá Brosbörnum og mikið rosalega var það gaman og hlakkar mig til að fá myndirnar, en þær verða tilbúnar næsta fimmtudag......JIBBÝ!! Svo er hún Sara Daggrós farin að sitja eins og herforingi og sat hún næstum allan tímann í myndatökunni og missti aldrei jafnvægið.....enda búin að vera í set-æfingabúðum hjá mér síðustu vikur út af myndatökunni....og það tókst ;-)

Jæja hef þetta ekki lengra í bili......eruð örugglega löngu hættar að lesa þennan pistil.....ekkert nema börn, börn og aftur börn.....hehehehe ;-)

Bæjó spæjó!

ps. svo ætlum við Ólöf að reyna að skrappa heima hjá mér næsta sunnudag ef fleiri vilja koma líka. Öllum háksmeðlimum velkomið að kíkja og skrappa eða bara föndra eitthvað allt annað!! :-)

Ehemm

TIL HAMINGJU MEÐ AFMÆLIÐ Á ÞRIÐJUDAGINN ÁSTA !!!
og ég sem ætlaði að muna þetta damnit.

Átakið "Höldum vefnum gangandi" PART II

Allo allo
Ég var að msn-ast við Bryndísi áðan og við fórum að velta næsta matarklúbbi fyrir okkur. Munið þið hver voru næst? Nú er janúar liðinn og febrúar mun örugglega fljúga áfram enda í styttra lagi (og tíminn líður svo hrikalega hratt á þessari gervihnattaröld) þannig að það er spurning um að spýta í lófana og halda matarklúbbnum gangandi áður en sumarið kemur (og fer). Hvað segið þið? Eruð þið ekki til í matarkl.?
Eins og venjulega er lítið að frétta af mér. Ég þarf greinilega að fara að krydda eitthvað upp í tilverunni. Fara að fara í ræktina, stunda magadans og fallhlífastökk eða eitthvað.
Um að gera að kommenta eitthvað og þá á ég við alla :)
Kv. Ólöf

Átakið "Höldum vefnum gangandi"

Halló

Hvað segið þið skvísur. Var að klára langa vinnuhelgi og er þegar farin að hlakka til að fá helgarfrí um næstu helgi. Í þessari viku er ég að læra á fósturgreiningardeildinni eða svokölluðum sónar. Það er voða gaman að vera að læra eitthvað nýtt en ótrúlega erfitt að túlka mynd sem maður sér í tvívídd í þrívídd í huganum.. Ég er þegar orðin góð í "kjallarasónar" en þetta er alveg nýtt að ómskoða krílinn við 20 vikur og gera vaxtarmat þegar konurnar eru lengra gengnar. Það er að ómskoða í gegnum kviðinn.
Ekkert planað svo sem í vikunni, ætla að reyna að vera ekki að vinna í umsjónardeildarlæknisstörfunum heima eftir vinnu eins og ég hef gert á nær hverjum degi síðastliðnar þrjár vikur. það var þó til þess að ég var í vinnunni til kl 19 í dag, ég veit svei mér þá ekki hvort er betra.

Hvað er að frétta frá ykkar heimilum? Eru flutningar í þessari viku Sigurveig?

Kveðja Dögg

Hæ hæ
hvað segið þið gott Háksskvísur, þetta gengur ekki með þennan vef, hann má nú ekki lognast út af. Við verðum að hjálpast að halda lífi í honum. Þá er ég búin að vinna mínu fyrstu vinnuviku, en reyndar fékk ekki að klára hana alveg því Geirmundur tók upp á því að veikjast í dag. Annars er bara fínt að vera byrjuð að vinna. Það er munur að vera farin að tala við eitthvað fólk hérna svo er líka ekki amalegt að vera að passa eina litla frænku sem alveg dýrkar mann og segir öllum að hún sé frænka mín og alltaf þegar hún kallar á mig segir hún frænka eða Bryndís Elfa af því hún heitir Aldís Elva.
Hvað á svo að gera um helgina ?? Ég ætla nú bara að vera heima og taka því rólega og á von á tveim heimsóknum á laugardaginn, þeim Erlu og Haflínu. Svo auðvitað er Ísland-Danmörk í kvöld og Idolið sem byrjar í Smáralindinni í kvöld.
Endilega látið heyra í ykkur og ég segi bara áfram Ísland.
kveðja frá Selfossi

Hæ hó

Jæja þá, nú eru jólin endanlega liðin, Ruben er farinn til Boston og byrjar í skólanum á morgun. Svo er bara að bíða eftir páskunum :)
Síðasta vika var mjög fín og leið mjög hratt. Hápunkturinn var á miðvikudaginn þegar við áttum 3 ára brúðkaupsafmæli og skelltum okkur á Herreford (hvernig sem þetta er skrifað). Jii, hvað tíminn líður hratt.
Annars var ég að velta því fyrir mér hvort einhver væri í skrapp stuði? Ég var að fatta það að ég er ekkert búin að sinna þeim málum í nokkuð langan tíma og finnst löngu kominn tími til að klára litla albúmið mitt svo ég geti byrjað á því stóra. Eruð þið í stuði? Vorum við ekki líka að tala um það að hittast kannski einhvern tímann og mála saman? Gera kannski eitt stykki Mónu Lísu eða svo enda allar með eindæmum listrænar og snillingar með pensilinn.
Hvernig gengur annars hjá þér, Ásta? Er veðrið gott í London?
Adios.
Ólöf

Vikan framundan

Sælar og takk fyrir síðast.

Þetta var mjög skemmtilegt kvöld í alla staði. Til að bloggið stoppi nú ekki aftur ákvað ég að setja inn nokkrar línur. Svo sem ekkert merkilegt. Þessa vikuna eru læknadagar verð ég því tvo daga í þessari viku á fyrirlestrum á Nordica hótel. Ég þarf samt að mæta á morgunfund, sem þýðir að ég þarf að hjóla á spítalann og hjóla svo til baka aftur á hótelið. Sem betur fer er voða gaman að hjóla í snjó, þetta væri hundleiðinlegt ef það væri rigning og rok.

Ég held einn fyrilestur á læknadögum og er búin að semja hann. Þetta er bara stutt erindi, verður örugglega ekki mikið mál. Á föstudaginn erum við svo að fara í sveitina og ætlum að djamma og djúsa alla helgina.

Hvað ætliðn þið að gera þessa vikuna?

Kveðja Dögg

Gleðilegt ár :)

Sælar.
Ég var að velta næsta laugardag fyrir mér þar sem að strákarnir hafa ákveðið að halda náttfatapartý saman og við allar í bænum. Hvað ætlið þið að gera? Væri nú ekki gaman að hittast? Skella sér saman út að borða á Vegamótum eða eitthvað? Fara smá út úr húsi? Hvað segið þið?
Kveðja, Ólöf.

Komin á Selfoss !!!

Jæja þá er maður bara orðinn UTLP (Utan af landi pakk) ;) Við erum svona að koma okkur fyrir hérna smátt og smátt. Þetta er bara voða kósý hús nema baðið sem er ekki tilbúið, bara hægt að fara í sturtu og á klósettið. Ég er eiginlega ekkert búin að skoða mig um hérna að sökum veðurs, það hefur verið ógeðslega leiðinlegt alveg síðan við fluttum. Ég og Geirmundur komumst rétt aðeins út í einn göngutúr í næstu búð um daginn og lofaði það góðu það virðist vera nóg af göngustígum sem við þurfum að kanna. Þannig að lífið hérna er bara ágætt hér á Selfossi. Það er hinsvegar ekki nógu gott með vinnuna mína eins og þið vitið og ég næ ekkert í leikskólastjórann fyrr en eftir helgi. En ég er búin að fá dagmömmupláss fyrir Geirmund frá 1. febrúar. Það er þá eins gott að ég fái að fá fljótlega vinnuna mína annars get ég ekki borgað plássið þar sem það er svo helv. dýrt. Afsakið orðbragðið.
Ég bjóst ekki alveg við að vera heimavinnandi hér 1 til 2 mánuði, það kemur sér alls ekki vel fjárhagslega sérstaklega af því ekkert gerist með Vesturbergið og svo er það líka svo fúlt af því að ég hefði getað unnið á Klettaborg lengur og Geirmundur hefði getað verið lengur á sínum leikskóla og við hefðum ekki þurft að drífa okkur svona mikið að flytja. OHHHH égg varð bara aðeins að tjá mig um þetta.
En annars er ekki meira í fréttum héðan frá Selfossi, ég er farin að hljóma eins og fréttaritari, ég kannski verð bara með vikulega pistla frá Selfossi
jæja við heyrumst kannski núna einhvern tímann á netinu því við vorum að komast í netsamband bara í gær. :)
Og endilega látið sjá ykkur.
kveðja Bryndís